24h購物| | PChome| 登入
2007-12-09 23:23:09| 人氣40| 回應0 | 上一篇 | 下一篇

０９／１２　長洲郊遊

推薦 0 收藏 0 轉貼0 訂閱站台

今日起身１１點幾，之後我地換好哂衫１２點就出門口喇！我地出發去長洲！ＹＥＡＨ　～～

尋日臨離開九龍灣我地買左芝士飽，諗住今日做早餐，ＡＶ話要分左一半俾佢，亞浩話得４舊唔夠食！哈哈哈！咁我地咪去食早餐囉（明明都成１２點仲係早餐！呵　～～）我地坐６０３去到中環先食。我地決定買Ｍ記上船食，坐１點班船入去，原來有分快船同慢船，我地坐快船呀呢班，亞浩話點解唔坐慢船．．．等咁耐點等呀！番黎先囉！

半個鐘就去到長洲碼頭喇！
雖然船道冇乜人咁，但係原來長洲已經爆多人喇！不過都仲係行得好輕鬆，唔錯　～～　好ＨＥＡ既感覺！我鍾意呀　～～

之後都係行行行同食食食啦　～～　
周圍都有呢Ｄ海味鋪，ＫＡＲＥＮ話有間海味好抵，仲可以一隻隻花膠咁　　ＣＨＯＩＣＥ，但係我就唔多見囉，不過我今日既目的唔係入黎買呢個，　　ＡＵＮＴＩＥ話要買蝦乾，同埋我未行過長洲，今日真係入黎行架！
行行下見到隻狗訓到幾著　～～　呢Ｄ生活真好！
一排排既蝦乾真係好壯觀　～～
我諗呢間係長洲出名既魚旦　～～　但係我地食到既魚旦係凍架，不過蝦丸熱既，我就覺得蝦丸一般，而魚旦就ＯＫ！唔係想像中咁正囉！
行到過黎東提呢邊喇，不過呢邊已經改為渡假村！冇左東提呢個名！
我地無啦啦又行番去另一邊，初時諗住行去張保生洞行下，點知行到另一邊既盡頭，發覺原來之前行岩方向，反而依家行錯．．．行左咁耐我地都好攰下，搵個位坐底之後就大戰左場孖寶賽車，之後我俾蚊咬左一啖，就即刻走喇！

初時諗住去食個下午茶，留意我想食既下午茶係．．．賴尿蝦！哈哈哈！點知成７８蚊一碟真係爆貴，我決家放棄，最後搵左間茶餐廳食左個下午茶餐，叫左個火退芝士多士同埋我既瑞士雞翼撈丁。味道唔錯　～～　起碼２個餐加埋唔駛７８蚊先啦！

最後決定買埋野就番出去喇！明明行得一陣，好似行左好耐咁好攰！我地買完之後去到碼頭諗住可以坐５點既慢船番出去啦！原來亞浩睇左表，哈！今班都係快船黎架！認命啦　～～　等半個鐘一班，又冇野行就梗係快船都坐啦！就咁就完結今日既長洲之旅喇　～～

我要檢舉
台長： 夜貓貓
人氣(40) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文