24h購物| | PChome| 登入
2007-12-08 23:19:15| 人氣47| 回應0 | 上一篇 | 下一篇

０７／１２　刮痧　（相片絕對恐怖）

推薦 0 收藏 0 轉貼0 訂閱站台

因為尋日夜番香港既關係，今日澎澎聲出左Ｄ野去個客道先，唔係等陣俾人鬧！

下畫因為老闆既家姐請左假，佢地成班冇飯食，之後叫埋我地一齊飲茶！食飯前老闆突然出黎叫我下畫４點半同佢去個客道開會．．．又開呀．．．唔係開哂架咩．．．又係４點半！有冇攪錯呀！

我地大概１０人去左新花！新花Ｄ野真係好好食，今日又叫左超多野，好在今次叫野冇我份啦！呵　～～　

小麥真係好可愛　～～　小朋友既童真真係好得人鍾意！我地勁問佢幾時去睇燈飾。佢竟然識答佢自己好忙之餘，仲答都有少少時間既．．．一個３歲既人仔，咁樣答真係成個大人咁！之但係我今日要去開會，我就話你地去得成既，就ＳＭＳ我啦！反正我都係尖沙咀，落黎好快！

我今個會真係快到爆！６點半就開哂，我開完之後打俾ＴＥＲＲＹ問今晚點，因為我地本身約左今晚去按摩架！佢答我冇問題，因為大家都攰爆！梗係想去啦　～～　初時以為老闆會車我番公司，點知佢約左條佬，我就拎住２袋野番公司喇！

番到公司７點半，我放底哂就叫ＴＥＲＲＹ走啦！點知原來在我車程途中，小麥有打番黎問係咪去睇燈飾呀！ＳＯＲＲＹ呀　～～　姐姐條頸真係緊要Ｄ架！最後叫左ＡＶ去陪去　～～　ＳＯＲＲＹ　ＴＯＯ！

我地最後決左落去荃灣既知足康足底按摩中心，之後ＶＩＯＬＡ有試過所以我地都去試下！我地去到問我地推唔推油，咁我地初時以為好似大陸咁，有個沖涼室，咁我就話不如我去廁所睇下啦！我勁快去完個廁所番黎報告，點知
ＴＥＲＲＹ已經問左２個姐，呢道係冇架！不過佢會幫我地用毛巾清楚乾淨！都ＯＫ啦　～～　反正我地真係攰爆！佢講乜話我都ＯＫ！

嘩　～～　痛到呢！我條頸應該就黎斷！推到咁下，亞姐話不如刮痧啦！出哂黎Ｄ火會好Ｄ架！好啦　～～　都好！反正我都應該係５勞７傷！

終於我地做哂落去堆單啦！原來都唔係好貴，我地每人夾＄４００，每人有３個鐘做！咁我地仲有每人一個鐘留番下次！估唔到仲唔收貼士添！

之後我地去左味千做賽後討論，機本上我覺得幫我做果個姐就唔多得架喇！因為ＴＥＲＲＹ有做熱夫，而我冇！佢仲做埋手手腳腳添，我都冇．．．不過可能我重點係條頸，所以佢唔夠時間做啦！但係有一點係好重要架，就係原來刮完痧係唔可以咁快沖涼，但係幫我做果個亞姐冇同我講囉！好在ＴＥＲＲＹ有話我知咋！

大家睇到張相睇黎大家都會好驚　～～　講真！我睇完都好驚！由其條頸，Ｄ血沖哂上黎呀！ＨＥＬＰ　～～～～　還我條頸！

我要檢舉
台長： 夜貓貓
人氣(47) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文