24h購物| | PChome| 登入
2007-11-09 19:44:01| 人氣43| 回應0 | 上一篇 | 下一篇

０９／１１　偉明過夜　～～

推薦 0 收藏 0 轉貼0 訂閱站台

今晚我要係偉明過夜，我諗今次係我第３次留係廠過夜！今晚佢地為左我攪
ＢＢＱ，真係好好　～～

６點收工後，我地一齊坐電單車去超市買野，我亦第２次試坐電單車，我第一次係佢地車我去車站坐車好短路程，而今次比較長Ｄ，同埋架電單車坐３個人呀，超級驚！一路上我不停咁同夢茹講野，分開我個心！

去到超市好多野買，有Ｄ係我平時唔會見到架！好新奇！哈哈哈！我地今晚都買左好多野食，首先有我尋晚好夜買既超貴香腸（平時明明係街市買６蚊包既，尋晚係惠康買竟然要１３．５包買２送１，頂佢個肺）、仲有芝士丸同埋墨魚丸。
咁我地今晚買左２隻大肥雞、粟米、栗子、雞翼、豬肉、牛肉、金菇菜、冬菇同埋麵包！我竟然俾佢地話我怪，話冬菇點燒．．．咁咪同金菇菜一樣囉！仲話我燒麵包怪添．．．香港興架嘛！哼哼哼！

我到依家都未食得，所以番左過黎廠道！等陣要影相先得！哈哈
真係俾我想像中多左喎！大鑊　～～　大家擺哂位準備開始喇　～～　點知突然發覺我買上黎果支沙茶醬唔見左．．．最後光遠話佢可能當空樽掉左．．．大家串左佢好耐！原來佢搵左好耐，仲煲糖水整親手有個大水泡都唔出聲！

放心　～～　大家原諒你架！哈　～～　辛苦你就真！

嘩　～～　走地雞果然名不虛傳！正呀　～～～　大家食食食，我都不忙想張大合照啦　～～
哈哈　～～　呢張相我完全蓋左高姑娘！呢張連美金都冇左半邊　～～

等我介紹一下先　～～　

左起：我隔離既就係ＱＣ～ＭＥＩＭＩ、下數～謝師傅、跟單～美金、ＱＣ～雪兒、經理～德師傅、機械～阿蕭、下數～光遠師傅（屋主）、跟單～小冬、跟單～夢茹、下數～阿輝，當然唔少得俾我蓋左既高姑娘啦！
呢張終於齊哂喇　～～　但係雪兒你做咩斬眼呀　～～　好好架嘛呢張！
最後亞燕仲黎埋添！大家咁樣聚真係好開心　～～　不過真係好少機會！首先我地真係唔想上大陸過夜！同埋香港既同事都會有咁聚，但係加埋一齊就真係好少囉　～～

今晚真係好開心！我食左好多野，亦多謝光遠既招待！

我１２點幾就唔等佢地走，我自己番左去先！因為我驚冇風筒我個頭好難乾！好在番到過去見到陳生，佢叫我係工場拎左個番宿舍！原來佢地今日拜神日，好好笑．．．唔知點解係半夜拜神同燒炮杖！佢地話初一十五都要咁做！我洗完個頭出黎就已經有炮杖聲喇，都真係嚇Ｑ死！一個人訓一座宿舍都幾驚　～～

我要檢舉
台長： 夜貓貓
人氣(43) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文