24h購物| | PChome| 登入
2007-10-28 23:18:47| 人氣57| 回應0 | 上一篇 | 下一篇

２６／１０　預祝亞婆生日既迫婚飯記

推薦 0 收藏 0 轉貼0 訂閱站台

話說今日係突登叫亞媽請假一齊出黎食飯同亞婆提早慶祝既生日飯！但係我今日要上大陸！真係大鑊！好在都趕到！ｋａｒｅｎ車左我去圓方，之後我坐ｍｔｒ去ｃｗｂ，竟然都係遲到５分鐘咋！多謝！

去到大家已經到哂喇！仲有亞婆既３個大陸親戚突登申請黎香港同佢食餐飯！吹左陣水，四姨話影相，又話要ｓｅｔ日子入張相道，我攪左好耐都攪唔到佢部ｃａｎｏｎ，之後我就話用我果部影住先啦！影影影突然個大陸親戚話拎佢果部都影，點知我未接得住佢就放手喇！好衰唔衰掉左落地．．．之後個侍應幫我地影張大合照話部相機好檬，個閃光仲唔識閃添！大鑊喇！我整壞左人部相機呀．．．個心諗．．．好在呢部平野黎ｃａｓｉｏ，如果唔係就更大鑊！可能個心諗部機平之外，仲有人會幫我賠，但係個頭仲有冷汗．．．之後三姨丈幫我睇都唔多得！個物主拎番部機，點知奇蹟發生喇　～～　突然得番喎！真係戲劇性既大轉變呀！

之後就開始食飯喇　～～　點知．．．成餐飯既話題都圍繞叫我結婚　～～　真係好難受　～～　（又話說因為亞浩食完大閘蟹之後腸胃炎，今晚係冇黎架下）成晚我淨係識兜開個話題，點知２個姨丈同佢兜番番黎！咩事呀　～～　我好老咩．．．點解係都要我嫁　～～　成晚我亞媽淨係識笑．．．都唔知咩事！好在亞婆冇出聲，不過我都難逃星期日既劫！

食完飯後，有個大陸親戚問我大圍點去，我初時教佢係坐紅色巴士過海後坐火車就應該識啦！點知講講下佢話今朝坐火車轉ｍｔｒ，之後亞婆竟然叫我帶佢番屋企！大佬我聽日要番工架．．．仲諗住今晚同亞媽去攪佢部電話！依家一個問題攪到我亂哂．．．之後我決定係帶去坐ｍｔｒ去到九龍塘指佢去火車站就算！之後我就番屋企．．．

ｐｓ：漏左講成晚最開心就係俾人話我唔似３０歲！多謝　～～

我要檢舉
台長： 夜貓貓
人氣(57) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文