今朝我地俾７點鐘既ｍｏｒｎｉｎｇｃａｌｌ嘈醒之後訓唔番！好大鑊！連日黎既唔夠訓，今日自由活動都唔可以訓晏多少少！明明約左９點架嘛！
訓唔番既我地唔係一野就起身，只不過我地係張床道懶左好耐都訓唔番．．．冇幾耐７點９定８點就有人閣門喇．．．係ｋａｒｅｎ！講真我覺得都幾過份，如果唔係我地真係醒左訓唔番既，依家仲訓緊！你咪嘈醒我地囉！你過黎搵我我地之前有冇諗過我地仲訓緊既呢！
之後仲要吹左半個鐘水，我未費事理佢，我有時扮聽唔到，有時扮睇緊電視！辛苦你喇 ｔｅｒｒｙ ～～ 要你理佢！之後佢仲去埋幾間房叫醒埋其他人，都幾過份下囉！我都唔明點解！
明明約左９點半出發架嘛，依家成９點９先出到門口！我地ｃｈｅｃｋｏｕｔ淨一間房，放哂ｄ行李去ｍｕｎ同雪間房就出發喇！
我地坐的士去ｍｕｎ想買既李制餅家買鳳梨酥，我地分２架坐，ｍａｎｄｙ跟我同ｔｅｒｒｙ，佢地３個另一架！點知我地坐果架好似唔識路同兜路！我地落左車仲要搵．．．好在ｍｕｎ打黎話俾我地知番轉頭就見到佢地！
去到門口，ｍｕｎ話間野開１０點半，襯呢段時間我地去搵早餐食左先！因為今次黎台北竟然冇食過牛肉麵，我就提議不如去搵黎食！之後佢地話對面望過黎我地呢邊有間老董，咁我地就入去喇！點知人地未開，叫我地１５分鐘後再去過！咁好啦 ～～ 最睇下會唔會有第２間俾我地試啦！以我地既經驗話俾我地知，你越想食地道既野，果道就會越ｄｉｒｔｙ！
我地最後都搵唔到，之後就行番去老董喇！
我地入到去間野，佢連冷氣都未開！之後我地就開始點麵食，過左冇幾耐就有事發生喇！（我諗呢件事係ｔｅｒｒｙ心目中永不磨滅．．．）
突然聽到ｔｅｒｒｙ叫，我嚇左一嚇，原來有隻好大隻小強跌左落ｔｅｒｒｙ背脊呀！佢仲周身旭喎！佢係咁叫，成班就四散，我又唔知做咩咁勇，突然叫佢唔好再旭同冷靜！之後我就用䒷面既筷子掃走佢！我仲要掃左幾野佢先跌落地下呀！之後聽番佢地講，初時ｔｅｒｒｙ以為係滴水黎架！之後佢先望到．．．好驚呀！隻大強仲整ｄｉｒｔｙ左佢條裙仔！之後都清理得唔乾淨！間鋪淨係不停同我地講唔好意思！我地又唔知做咩，又會繼續食佢ｄ野喎！可能大家都認為唔關野食事掛！ｔｅｒｒｙ個心都仲未定落黎！仲話想ｄｅｌ左個台北之旅添！估唔到衰收尾．．．
每人叫左碗牛肉麵、而我叫左牛肉粉絲、ｍａｎｄｙ就叫左蕃茄牛肉麵、小籠包同埋皮蛋豆腐！我覺得最好味既係ｍａｎｄｙ果碗麵！而我ｄ粉絲係完全冇味架．．．
食完之後過對面買埋鳳梨酥，我地就番飯店等ｍｕｎ同ｍａｎｄｙ去買東甩番黎！
等左好鬼耐都未番，我地話仲有少少時間同咁多散子，不如拎哂ｄ錢落去惠康掃ｄ零食番黎啦！掃完惠康ｄ野番黎，２隻野都未番，正想拎哂ｄ野落去 ｃｈｅｃｋｏｕｔ左再算！點知就突然殺到番黎喇！又澎澎聲入哂ｄ野落行李就完結呢個旅程！
我地尋日叫佩華幫忙訂左１２點１５飛狗黎飯店接我地去機場，點知過左時間都未黎，有人叫我不如叫飯店ｄ人打去問下會唔會漏左我地既ｏｒｄｅｒ！之後我問啦！咁岩ｋａｒｅｎ又聽到果個人答我唔知，之後我又俾人話喇！又話我好問呀．．．等等！之後我又發脾氣”邊個叫我問架，我又俾人話喇！”，原來今次係ｔｅｒｒｙ叫我問！好明顯俾人話到失哂魂！
架車終於黎喇！但係架車唔夠位俾我地１１個人坐喎！但係司機話可以叫２個落車，之後我地就夠位坐架喇！咁ｍａｎｄｙ就同我＆ｍｕｎ迫埋一齊坐，而ｋａｒｅｎ就坐我地側邊既樓梯！我地４個好嘈咁講野，突然聽到一聲”薯”，之後我地再繼續勁講勁講，又話再嘈又會俾人再”薯”架喇、靜ｄ之類．．．之後我發覺上車時幫大家上行李，我個袋俾人幫我拎，咁我又由街頭至街尾咁問我個袋放左邊個道！原來ｔｅｒｒｙ幫我拎住個袋，之後我就行過去喇！點知行到中間，突然又聽到”薯”！我即刻啤左佢一啤！咩事呀依家！唔俾人講野架咩！
終於大家有哂位坐喇．．．但係事情發展梗係唔係咁簡單啦！架車上左高速突然轉唔到波，架車行唔到呀．．．之後仲話要等下一架黎接我地！我個位直情係司機隔離，所以我睇到一切，但係個司機冇公報過任何野囉！之後有乘客話要趕２點５５分機，依家已經係１點１５架喇！ｋａｒｅｎ聽到之後，佢又落黎同我講，我地都係要趕飛機，我就即刻問佢點解啦！明明冇改時間架嘛！原來佢係驚等陣黎果架已經有人，載唔哂我地，出動到講大話呢招都Ｏ哂咀，之後等左１０分鐘左右架車黎喇！我望手落行李，但係冇人幫手架囉！個個好似等緊我落咁，我頂唔順話幫下手啦有冇攪錯呀！之後拎到８８９９，見高速上仲有幾個行李未搬上車，見到有條女就叫佢幫手啦！佢竟然答我佢等緊人，我真係想小佢！之後我就話”唔駛喇，都唔知有冇攪錯”，之後我就拎埋出車就冇理過喇！
終於順利去到機場喇！ＣＨＥＣＫＩＮ完之後，見仲有好多時間，我就話不如去餐廳食Ｄ野ＯＲ飲Ｄ野啦 ～～ 就去左喇！
入到去叫野食先好笑，個牌無啦啦有道菜叫大陸妹，我地又好想知咩留黎，所以點左黎食．．．最後係多左碟生菜．．．所以我諗係呢碟生菜！
最後梗係黎張大合照添啦！但係我諗到用既方法都真係超爆笑！就係行李車喇！仲要放左盒鳳梨酥頂住部相機！所以張相個底有條紅線．．．
原來４點幾既飛機餐都有飯食呀．．．想飽死人咩．．．一落機我就打銘慈睇下係咪一齊番安樂窩！原來佢未收得工呀 ～～ 初時ＫＡＲＥＮ話車我地去官塘，到最後佢話唔車，我地都不知幾開心！咁我同ＭＵＮ就坐Ａ２２番屋企喇！
文章定位：
