今朝７點就要起身，之後約７點半落去丹提咖啡食早餐！我叫左份多士食，之後再加杯柑桔茶 ～～
之後等到８點半架車黎左，而佩華都黎埋，咁我地就出發去野柳喇！
坐左大概一個鐘頭車，終於黎到野柳地質公園！首先買左入場卷先 ～～ 可以入場喇！
入面好似郊野公園咁，我地行左一段路就已經見到一大堆石俾海水蝕成一個個奇形怪狀既石頭！
我地又發揮我地影影影既功能！
之後我仲搵左個位可以足夠我地咁多人企上去影相 ～～ 大家繼續影相！影到咁上下，突然ｋａｒｅｎ又話我地玩得耐！佢隻腳又痛，又話唔行喇喎！咁我地黎到呢道，冇野由唔去睇出名既”女王頭”架嘛！
好快咁行去睇女王頭，點知爆多人，仲要排隊影相喎！梗係偷位影算啦！之後仲突然落大雨添！諗住番轉頭搵佢地，一個人都唔見！點解咁呢要！唔通要我地去睇既果幾個如果仲係入面等咁點呢！呢點我真係好唔鍾意！
出左公園之後，有個市場賣石同ｄ海產既商鋪！之後我地就番上車出發去”金山”喇 ～～
我地坐車唔駛３個字就已經去到金山喇！金山呢個地方係小千的屋企黎！佢話呢道既鴨肉好出名架！所以建議我地都去 ～～
因為尋日小千好夜走，所以我俾佢既野佢叫媽媽放番屋企，佢就上車跟我地去玩喇！亞姨個樣好ｎｉｃｅ呀！
架車轉彎就已經到喇！一落車我又俾人話，點解唔係中地點落車，要停車場落車再行番過去！唉．．．我都冇心機！你鍾意話乜就乜啦！
之後我地入左去一個好似街市既地方，再入一條街就有一座好似３層高既樓，咁大家坐底後，小千同我講話呢道好特別，你鍾意食乜就拎乜，食完再計錢！之後就小千同佩華就帶左我同ｔｅｒｒｙ去拎野食喇！
嘩 ～～ 好特別呀！係個廟門口派野食！你地唔好估呢道ｄ野食係凍架！即刻炒出黎上碟，之後俾人拎架！我地拎住一碟二碟，幾驚俾人撞呀！話哂都要行一條街仲要上埋２樓先到架嘛！之後仲來回左幾次呀！
ｐｓ：呢張相好好玩 ～～
我地拎既野有鴨肉、交白荀、露荀、蝦、魚蝦丸同炒麵！最後仲加多碟魷魚添！勁呀 ～～ ７個人都食唔哂，到最後因為司機話佢唔落車，叫我地買野俾佢食，我地在食之前都包左ｄ俾佢，再最後梗係加多ｄ添啦！
食完之後，我帶劉姑娘、高姑娘同亞偉行左陣！因為個個都話唔行！咁冇理由佢地想行唔陪架嘛！個街市真係好多野買 ～～～ 好多新奇既野！行完之後，我地就出發去尋日去唔到既地方 ～～ 淡水喇！
首站係 ～～ 漁人碼頭！
又坐左差唔多一個鐘頭車黎到漁人碼頭喇！一落車佢又開始鬧鬧鬧！一開黎就話個司機點解要停呢道俾我地落！仲要行咁耐先到佢個停車位！之後又話我地唔駛影咁耐，３個字點都夠！實際既情況係 ～～ 司機係岩既，佢俾我地由個尾行番出黎頭！做得好岩！另外３個字實際肯定係唔夠既！！大家咁鍾意影相！點可能３個字攪得掂！
因為一落車，大家都話去廁所先，點知ｋａｒｅｎ冇等佢老公就開始跟我地行！行到去橋尾我大大話話提左佢３次打俾佢老公！佢淨係答我唔駛，佢會跟住黎！咁我冇再理佢！
之後去左堤壩果道影左２張合照，又開始繼續行！點知突然落雨，ｋａｒｅｎ話不如行落下面，起碼有野遮住唔會淋濕！
咁我地就跟左落去！行到咁上下到我人有三急，我就去廁所！點知出番黎之後發覺唔見左劉姑娘呀！我即刻問佢去左邊啦！ｋａｒｅｎ同高姑娘２口同聲答我”佢應該行左前面喇”，咁我又唔理啦！點知．．．去到架車個位，真係發覺唔見左佢呀！
ｋａｒｅｎ話落車搵，呢個同時小千同佩華都岩岩行到黎，我就叫佩華陪我搵喇！我地來回行左２次我地有行過既路！都搵佢唔到！途中小千有打黎叫我地都係番上車先！車番轉頭搵下！
之後行番去車附近，ｋａｒｅｎ又落車話行去另一邊搵下，仲話佢老公係果邊添！佢叫我地企道等佢行番過黎！我個人突然開始亂諗野，就叫佩華不如打俾小千叫架車番左轉頭先！順便可以接埋ａｌｌｅｎ過黎！
過左冇幾耐，突然見到劉姑娘出現！咁我就澎澎聲叫佢啦！好大聲好大聲咁叫！之後確定左係佢，我就叫佩華過去接應！我就去搵ｋａｒｅｎ！一見佢我就話佢知，我叫左架車番轉頭接ａｌｌｅｎ順便睇下劉姑娘，但係依家見番就番轉頭接我地就得啦！佢聽完又鬧我喇！話我唔應該叫架車走開！明明叫我地企係道等佢，又話我唔睇實ｄ人！我就超慶咁答佢，條路跟本就係咁行，依家叫架車去接你老公有咩唔岩呀！架車都要番黎呢邊走架啦！跟你就係唔明！你鍾意點就點啦！
之後仲係好火，我一上車就已經有ｄ想暈既衝動，一上車我一聲都冇出過！好慶！真係好慶！
上左車冇幾耐，佢老公已經開始鬧佢！點解唔見左佢咁耐冇打過俾佢！之後佢既回答係有．．．但係我唔見囉！ａｎｙｗａｙ唔理！我個心突然涼左一涼！
之後到左老街！今次司機都係俾我地街尾落，行番去街頭！今次冇講時間！佢話大概９個字左右可以行哂條街！咁一落車ｋａｒｅｎ就話”就頭先件事，我諗大家唔好分開行動！”
未去到一條街，首先話分開行既都係佢！不過唔理喇！概然佢唔想理既，我就理果２個太太把啦！之後又行行下佢地又好似唔想等咁！
ｍａｎｄｙ同ｍｅｉｍｉ睇住２個太太，我同ｔｅｒｒｙ就慢慢睇野喇！之後行到去街頭左近又見番佢地！咁又一齊去集合點喇！
臨上車見到雪糕好想食喎！我就買左杯黎食！
之後就上車啦 ～～ 我見大家手上好似買左好多野咁，我就提議不如番左酒店先！點知一句就俾人ｂａｎｄ！話佢冇咁既需要！好在大家都覺得有，之後就番左酒店喇！途中亞蚊因為好想買佢既鳳梨酥，就叫小千幫佢問一下地址，本身佢有地址架，但係ｋａｒｅｎ又賴底左本書囉。咁搵到地址後，初時諗住出發去西門町前叫司機車我地去先既，點知ｋａｒｅｎ又ｂａｎｄ囉！不過算啦！依家呢個ｍｏｍｅｎｔ我同蚊講任何野，佢都覺得我地係自私，想去自己想去既地方！
之後出發西門町喇 ～～ 呢個ｍｏｍｅｎｔ要同司機講８８喇！落車後就自由活動！我都係帶住亞偉、ｍｅｉｍｉ、ｍａｎｄｙ、ｔｅｒｒｙ同埋２個姑娘！我今日黎西門町既目的只有２個！幫亞浩買鳳梨酥同埋幫阿芝買ｅｌｌａ隻ｅｐ！首先我帶左佢地去老天祿買鴨舌！
嘩 ～～ 淨係一間老天祿就已經ｋｏ左大家既銀包！雖然依家收港紙，但係ｍｅｉｍｉ好似都連港紙都ｋｏ埋！之後我就去搵鳳梨酥喇！我竟然唔記得左係咩位，仲要問人添！好在到最後都搵到！連ｃｄ都買埋，大家都冇野買，就話不如去嘆下冷氣行下商場喇！
７點半到喇 ～～ 我地今晚ｂｋ左一間叫鍋大爺既火鍋店３９９食到飽！
文章定位：
