２２／０９　萱＠朗豪坊＠Ｎｉｇｈｔ　ＣａＴ　ｃＡｔ　之家

2007-09-23 00:41:42| 人氣50| 回應1 | 上一篇 | 下一篇

２２／０９　萱＠朗豪坊

推薦 0 收藏 0 轉貼0 訂閱站台

我耐都冇寫ｐｃｈｏｍｅ喇！唔係因為我懶，而係冇野好寫，日日收工就番屋企，食完個飯就係上網搵ｆｉｌｅ　ｄｏｗｎｌｏａｄ，之後睇一兩個ｆｉｌｅ之後就訓！日日如是有乜好寫！

好開心有萱黎香港宣傳既消息，連台灣都冇簽唱會既佢，竟然今日會係朗豪坊簽喎！開心死啦　～～　一收工就同亞浩落ＭＫ等佢喇！

首先當然去左食晏先啦，我地去左水道橋，因為我想食壽司飯呀嘛！呵　～～
之後我地就上去朗豪坊等喇！去到冇人，得幾個熟既粉絲在！因為今日係朗豪攪既，所以一定要拎簽名証先入得簽！超賤！

冇幾耐有個唱片公司姐姐好好咁同我講：”唔緊要架！等陣會簽埋！”
好　～～　咁就ＯＮＬＹ睇完再算啦　～～

企企下，俾人趕走．．．話呢道只可以有簽名証既人入之外，連出面都唔俾人企，有冇攪錯呀！明明ＦＯＯＤ　ＣＯＵＲＴ果層好好企架嘛！無啦啦上黎
１２樓攪咩呀！又細喎！係．．．我知佢唔係好多香港人鍾意！但係都要專重下人地依家黎係攪簽名會，而唔係黎消費架嘛！哼哼哼！

之後食蕉話不如上看台睇，其實係上多一層，都ＯＫ啦　～～　照上！亞浩話我地呢個位都唔錯！我地打機打機．．．冇幾耐我地後面就好多人喇！之後下面仲抵死！明明話唔俾人企，可能有簽名証既人數太少，Ｄ食蕉拎Ｄ鐵馬出黎畫區，少少既一個區，突然又變左一個大區！都真係好好笑．．．

萱真係好正呀　～～　唱哂３首碟既歌！之後我諗住落番去排隊啦！點知Ｄ人仲係堅持有証先俾入．．．冇幾耐姐姐又突然企我側邊同我講”唔駛擔心，我實俾你簽埋架！我唔帶走佢就得啦！”哈哈哈！講完都真係幾爆笑！都好啦，咁我又等等等，之後我諗住Ｄ人淨番十幾個就簽哂，又走埋去啦．．．點知仲係咁，我地又回企，又突然個哥哥殺出黎同我講野（乜我咁受歡迎．．．）
”呢道要收場喇，但係萱會上上層做訪問，咁做完再幫你地簽，你呢道要等下！好快就會落番黎”好啦　～～　其實我都係想有個答案啦！人地次次攪簽唱會都唔係咁架嘛，就算ＡＰＭ都係簽哂簽唱証既就簽Ｄ冇架嘛！攪錯！都唔知點做野！

終於簽哂Ｄ有簽名証既，突然隻食蕉放人入喎！好囉　～～　終於唔駛等咁耐，好快就到我地喇！

今日首先傾計既唔係萱同１００％，竟然係ＤＤ亞姨（萱媽）先呀！佢問我地點解會咁遲，冇理由咁少人，佢仲話自己有數人數添！哈哈哈！我地當然解釋唔係我地遲，而係唔俾入啦！

終於排到我地喇，首先簽既係ＶＥＥ記！我諗大家如果有聽過人山人海又或者有睇ＡＴ１７，一定識佢　～～　原來隻碟佢做ＫＥＹＢＯＡＲＤ架！之後就到１００％，每人簽番自己果版！好ＨＩＧＨ呢！

相呢個係萱男友　～～　ＡＬＬＥＮ！

好型架佢！佢係彈結他既！成身都係紋身！勁呀　～～　之後終於到萱喇！我今日同萱講”你幾時會黎香港開ＣＯＮ呀？”，佢竟然答我”沒有人要找我開呀，我也想開”

聽完個答案都真係有Ｄ唔開心！有冇攪錯！竟然冇人搵佢開！平時ＷＩＬＤ　ＤＡＹ　ＯＵＴ　都真係唔夠！

因為每次見到萱都可以同佢合照，今日竟然影唔到都唔係好心足．．．之後冇幾耐，萱竟然拎咪講野，佢竟然提出同我地影合照呀！開心死喇！雖然呢張相影得我超肥！但係個個都望鏡頭！好開心呀！同萱講ＢＹＥ之後，要趕住走喇，今晚番安樂窩做節呀！

影完之後我地快行去信和，拎左我訂左好耐既猿人ＴＥＥ，之後就會合ＡＶ同大ＪＡＣＫ一齊番黎，點知去到小巴站冇車不突只，仲係連的士都冇架．．．咩事呀！之後我地兜左一大個圈，見到有人落車就澎澎聲上左架車道！哈哈哈！

番到黎見ＡＵＮＴＩＥ身水身汗　～～　入廚房幫手做下野，煮野食都真係超辛苦！又係Ｄ人食完唔見人果隻啦．．．

ＰＳ　：　分享下我今日拍既ＶＩＤＥＯ，雖然番到黎播起哂格，但係萱唱歌真係好好聽呀！大家欣賞一下啦！

ＰＡＲＴ～１
http://www.youtube.com/watch?v=ZxL9-T6XNMg

ＰＡＲＴ～２
http://www.youtube.com/watch?v=0L09zVI4H8A

ＰＡＲＴ～３
http://www.youtube.com/watch?v=hxtGMJeViaE

我要檢舉

台長：夜貓貓

人氣(50) | 回應(1)| 推薦 (0)| 收藏 (0)| 轉寄
全站分類: 不分類

回應(1)

Ｎｉｇｈｔ ＣａＴ ｃＡｔ 之家 多謝大家留意我的一舉一動 89愛的鼓勵 0訂閱站台

２２／０９ 萱＠朗豪坊

Ｎｉｇｈｔ　ＣａＴ　ｃＡｔ　之家多謝大家留意我的一舉一動
89愛的鼓勵 0訂閱站台

２２／０９　萱＠朗豪坊