２７／０８　明虹澳門遊　～～　３＠Ｎｉｇｈｔ　ＣａＴ　ｃＡｔ　之家

2007-08-29 23:17:34| 人氣91| 回應0 | 上一篇 | 下一篇

２７／０８　明虹澳門遊　～～　３

推薦 0 收藏 0 轉貼0 訂閱站台

入到黎琑仔喇，我地決定去”小飛象”食晏！話哂一行廿個人都幾驚冇位架！都好彩上到去有位，仲要係一張長桌坐哂廿個人，勁呀！

之後點菜，我同ｔｅｒｒｙ坐近老闆一家，咁我地就ｓｈａｒｅ６人餐再加燒風鲠、２隻乳鴿同２隻奄春喇！其他人都決定叫個十人餐！

嘩．．．原來我地個餐碟碟都好大碟架！

以下菜單：
１）豬仔包　（好脆，仲熱架！）
２）菜湯　　（好淡味．．．）
３）干燒大蝦（好新鮮，又大隻，個味道唔錯！）
４）炒什菜　（我諗呢個應該係最好味！）
５）咖喱蟹　（淡而冇味）
６）蕃茄煮魚（呢個都ｏｋ，條魚好滑！）
７）燒牛仔肉（我同ｔｅｒｒｙ都覺得唔似牛．．．味道都係算淡）
８）葡汁雞　（淡而冇味）
９）炒飯　　（冇食．．．ｓｏｒｒｙ！）

總括黎講．．．味道超普通，價錢超貴！呢餐埋單ｔｏｔａｌ＄２８ｘｘ！

食完野之後我地入左手信街，去左”鉅記”買手信！ｔｅｒｒｙ今日係想買６盒既檸汁薑，呢個薑真係超好味！點知去到見個櫃冇哂我就幫手問人喇！個亞姐話仲有幾盒，之後就拎俾ｔｅｒｒｙ數！數剩問我要唔要，我答完佢唔要之後個亞姐又話”賣哂架喇！冇架喇”，最後我買左２盒！之後再拎多盒鳳凰卷，完結！

俾完錢，我梗係去食番杯留連雪糕啦！自上次食完之後，都好掛住！哈哈哈！真係真才實料架！勁呢　～～　雖然９蚊得果少少，但係好好味呀！

之後我地就話去搵豬扒飽黎買，點知．．．去到勁多人排隊，亞蚊去左排添！打哂蛇餅就算把啦！我地一路行去隊尾，有個路人甲一路行一路講”個飽硬到石頭咁，豬扒又係沙紙，都咁多人排隊”，聽佢講完我同ｔｅｒｒｙ對望，心諗都唔知係咪真！哈哈哈！不過最後都係因為人多唔排啦！佢話排到仲要等佢即整．．．放過我啦！

之後上車就出發去”大三巴”　～～～

我要檢舉

台長：夜貓貓

人氣(91) | 回應(0)| 推薦 (0)| 收藏 (0)| 轉寄
全站分類: 不分類 | 個人分類: 2007年澳門之旅 |
此分類下一篇:２７／０８　明虹澳門遊　～～　４
此分類上一篇:２７／０８　明虹澳門遊　～～　２

回應(0)

Ｎｉｇｈｔ ＣａＴ ｃＡｔ 之家 多謝大家留意我的一舉一動 89愛的鼓勵 0訂閱站台

２７／０８ 明虹澳門遊 ～～ ３

Ｎｉｇｈｔ　ＣａＴ　ｃＡｔ　之家多謝大家留意我的一舉一動
89愛的鼓勵 0訂閱站台

２７／０８　明虹澳門遊　～～　３