24h購物| | PChome| 登入
2007-07-08 20:23:44| 人氣63| 回應5 | 上一篇 | 下一篇

０７／０７　ஐﻬ 今佐　の　半島酒店ﻬ&#2960

推薦 0 收藏 0 轉貼0 訂閱站台

今日好期待呢餐架！話哂２年冇黎喇嘛！我地經過上次食放題，有Ｄ擔心今晚既ＢＵＦＦＥＴ！但係去到，擔心都係多餘架！Ｄ野食我仲好滿意添！

今晚每人既消費係＄４１８＋１０％，但係我覺得係超值架！佢既野食有：

手卷任點：
包括燒魚翅、海鮮沙律、三文魚洋蔥芝麻、加州手、鰤魚洋蔥

二選一既主菜：
照燒牛排或雜錦天婦羅（有３隻蝦、２件日本蕃薯、１件茄子同１件南瓜）

仲有任點稻庭烏冬

在最後仲有雪糕添：
三選二口味雪糕：小倉紅豆、柚子同綠茶
大概講講出面張䒷有Ｄ咩啦！

刺身有三文魚、甜蝦、魷魚、北寄貝、海膽、油甘魚同埋大量既壽司！到冷盤喇，有酒煮鮑魚、冷燒牛肉、蛋卷、鰻魚酸菜。仲有味噌湯同埋蟹肉粥，到熱盤有蒸蛋、日式炒青菜、薯仔煮牛肉、燒銀鱈魚、咖喱蟹、炸蟹肉春卷、炸帶子丸同埋燒雞等等！

呢碟就係我既第一碟喇！正到爆呢　～～　個海膽我就唔夠架下！哈
之後呢碟就係我既第２碟喇！呵　～～　Ｄ海膽真係正爆！任食好爽！
之後我地決家叫手卷啦！明明係叫海鮮沙律手卷架，唔知點解黎左燒魚翅手卷，但係都ＯＫ啦！唔好浪費照食可也！
呢個就係冷盤既冷燒牛肉同埋酒煮鮑魚喇！好大隻架！而亞浩拎既蒸蛋，我冇食呀！我驚食完呢個唔駛食其他！我覺得個燒銀鱈魚同埋燒雞真係超好味呀！
之後就到主菜喇：燒牛肉同埋天婦羅　～～

我覺得２個都好味！蝦好新鮮好爽又大隻喎！仲有Ｄ蕃薯同南瓜都真係冇得頂！
之後就係ＯＲＤＥＲ個烏冬喇，好好味呀　～～～　
之後就梗係試埋Ｄ甜品啦！大家覺得ＣＡＫＥ唔錯，生果當然都ＯＫ啦！
最後唔少得呢個我期待既雪糕啦！雖然唔係我上次食既原個生果雪糕（放題先食原個呀．．．），但係都好好味呀！我叫左紅豆同埋柚子，２隻味唔係好夾，但係２隻味都好正呀！由其柚子啦清新既感覺！哈！另外紅豆好鬼大粒架！
最後多謝麗娟啦　～～　咁貴都黎同我癲！哈哈哈！都唔知係唔係昆你黎！雖然呢餐唔駛你請我〔真係太貴喇！〕下次Ｋ你走唔甩架喇！放心啦　～～

我要檢舉
台長： 夜貓貓
人氣(63) | 回應(5)| 推薦 (0)| 收藏 (0)| 轉寄
全站分類: 不分類

我要回應
tｅｒＲＹ
嘩，ＬＵＮＣＨ食得咁飽你都食得落？？！！
一定好好味啦～
2007-07-08 22:32:56
版主回應
我覺得呢樣野真係各人既口味！
而我同亞浩都認為呢餐正爆！
但係麗娟個樣話我知．．．
睇黎只係ｏｋ！哈哈哈
2007-07-09 23:14:35
bee
喂...好正呀, 你每次影d食物都影得好吸引添呀!!! 喺度再希望你過左呢個關口就每事順順利利啦!
2007-07-08 23:23:30
版主回應
我都希望係咁！！
每年既關口大家都好難過．．．

都要ｄ食物ｇｏｏｄ先可以既！
2007-07-09 23:15:18
BBPOOH
真係好吸引呀 特別係d日本嘢食
我真係好掛住 魚生gei味道 同喺口入面嗰種口感呀...>.<.....

我同意呀bee講法 你影d食物影得好吸引呀真係..
(口水直流 就嚟浸滿個keyboard)

唔駛食都知道好好味呢..!!!!!!!
2007-07-09 08:53:52
版主回應
放心啦　～～
你生完叫你老公帶你去呢道慶祝啦！

你地去完澳門都好開心！
2007-07-09 23:16:33
麗娟
其實我都覺得食物是ｇｏｏｄ的，
但因我跌傷了，胃口無之前咁好呀！
所以嗰樣先會咁殘啫，食得不夠放囉！
但那日感覺我們都很開心呀！
氣氛很詳和呀！好似咩都可以傾咁呀！
總之感覺良好呀！
因感覺不用趕，先可以真正聊到話題囉．
總之這晚是一個很值得記念的夜晚呀！
2007-07-13 17:40:40
版主回應
係呀！我地都真係好耐冇試過坐埋傾咁耐喇！
你呀真係小心Ｄ啦！好在呢次小事咋！
下次等你好Ｄ，再出黎食餐勁啦！
2007-07-13 23:28:18
希澈公主
wa!!!!!!!!!!!!!我親愛既海膽呀!!!!!
點解咁正既..點解你唔帶埋我去呀!?!?
wa!!!!!!!!!!!!!!!好多版呀!!!!!!!!!!!!
full唔full ga要幾耐前book ga?!?!wa!!!!!!!!!!!!!!!!!!!!!!!!!!!!!!!!!
2007-07-16 01:53:04
版主回應
呢位希澈同學．．．
請冷靜你既情緒！
你約我６號都要改期
試問．．．７號你點解可以出到黎呢．．．
放心！你叫我陪你食多次應承你啦！
2007-07-16 23:49:57
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文