24h購物| | PChome| 登入
2007-06-03 23:13:23| 人氣20| 回應0 | 上一篇 | 下一篇

０２／０６　加勒比海盜：魔盜王終極之戰

推薦 0 收藏 0 轉貼0 訂閱站台

今朝一早番到公司，點知原來老闆未行得，總之我就唔駛咁趕啦！幾驚遲到呀！明明約左個客９點，點知．．．個客中招仲俾老闆扼左８點半番公司！開完我個貨會，老闆叫我留底開埋另一個會一齊番去，咁我梗係要會啦！

開完會１點，我同老闆２個人去左翡翠拉麵食左２百蚊野之後就番公司攪掂埋Ｄ野收工，亞浩話要睇戲，是但啦！之後我地就去左荃灣買飛睇６點，張飛好鬼貴成７０蚊個人！

入場冇幾耐我就釣魚喇，當然亞浩有叫醒我啦！但係原諒我啦，真係好累呀大佬，我知飛貴，但係都冇辦法架！好在到尾我個精神番左黎！睇哂全場！好在睇左高比個ＢＬＯＧ知道個尾有野睇，等得耐都值得啦！冇蝕底呀嘛！哈哈哈！套戲既評語係開頭係悶左Ｄ，但係總括黎講都ＯＫ架！

夜晚我地既晚餐係去左間老字號既扒房”莎樂美”食扒，好好味呀　～～　我地叫左２客　～　龍蝦配神戶牛柳！雖然得半隻龍蝦，但係好新鮮呀超爽！！而牛柳都真係好食到冇說話好講！正！個餐８８蚊仲包酥皮海鮮湯、凍飲同埋一個雪糕！
之後行過間７－１１，見到新既全套ＳＴＩＴＣＨ扭蛋，梗係又要扭啦！哈哈哈！好得意呀！阿金下面個粒係ＳＴＩＴＣＨ捲埋左自己黎架！好可愛呀！

我要檢舉
台長： 夜貓貓
人氣(20) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文