24h購物| | PChome| 登入
2007-05-24 13:46:16| 人氣33| 回應0 | 上一篇 | 下一篇

１８－１９／０５　超唔開心

推薦 0 收藏 0 轉貼0 訂閱站台

今日老闆打黎話我唔跟ｄ貨，岩岩撞哂ｄ辦期，我都好坦白同佢講我冇睇過，不過其實我有睇ｄ尺寸架！見ｄ尺寸冇乜大出入，咁我咪出囉！又話唔出辦，又話唔追辦，乜都係好我追！放過我啦！

佢出左個客道打番黎鬧鬧鬧，終於俾佢鬧喊！我喊係我覺得唔甘心！我依家唔係偷懶，我有出力架！冇出力咁辛苦一個星期上３－４日大陸有咩為！夜晚我為左避佢，我早早收工，因為真係冇心機啦！仲要１０點幾打黎叫我聽日上大陸睇番ｄ尺碼辦！唉．．．上囉，我可以答唔上咩！

到左星期六番左公司先，又俾佢當面鬧一餐，又喊喊喊！完全唔俾我解釋！仲話我唔應該咁做！又話條男人唔係幫我地做哂ｄ貨野，咁你咁貴請佢番黎行行企企！我做啦！我唔ｍｉｎｄ同佢掉轉架！起碼人工高過我，不過我ｍｉｎｄ上大陸過夜咋嘛！

之後上大陸啦！都估到呢程車好辛苦，俾佢哦之餘，又冇得訓！唉．．．今日又要ｆｕｌｌｄａｙ，好慘！上到去做完廠ｄ野已經３點，仲要去印花廠，點知．．．中途落大雨！老闆話不如唔好去啦，我話都冇問題你話事！點知佢開開下．．．又話去喇喎！真係神又係你鬼又係你！

去完印花廠傾完已經５點半喇，佢個男仔打黎話同佢去食飯，問我去唔去，我梗係唔去啦！傻架！仲唔難受夠咩．．．之後我答佢我約左人，不如你放我去西麗，我自己坐車啦！佢答我佢安排一下！咁我好老定咁坐車啦，點知佢又突然同我講．．．放我梅林關口我自己坐的士快ｄ！我個心一沈．．．因為我聽人話ｄ的士會坐底人係關口再轉另一架的士架！個心好驚！完全冇諗過個關口近定唔近！

我一落車就搵左架的士車我，原來梅林關係好近架！３個字車程就到，仲唔駛３０蚊添！不過我真係超驚囉！唉．．．

我要檢舉
台長： 夜貓貓
人氣(33) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文