２２／０４　原宿．表參道．涉谷．新宿　之旅　～　１＠Ｎｉｇｈｔ　ＣａＴ　ｃＡｔ　之家

2007-05-06 15:56:26| 人氣59| 回應0 | 上一篇 | 下一篇

２２／０４　原宿．表參道．涉谷．新宿　之旅　～　１

推薦 0 收藏 0 轉貼0 訂閱站台

今日終於可以訓晏少少，連日來都好早起身或者都冇乜點訓．．．都幾辛苦！今朝我地最後決定都係去意大利蕃茄食早餐！

呢個就係我同亞浩都有叫既熱狗，我覺得真係唔錯　～～　點解日本既野食我地樣樣都話好食既．．．哈哈哈！

之後我地就出發去原宿喇！坐ＪＲ好快就到，首先我話不如去明治神宮，因為我記得我睇本話有地攤，好想去見識下！

一出ＪＲ行一陣就到喇，一大個鳥居〔希望我記錯佢稱號〕，行入去睇下先得！

點知．．．行到好入都唔見得有野睇，最後決定打回頭！〔後黎至發覺．．．我記錯公園！對唔住各位呢．．．地攤果個係代代木公園，錯哂！〕

公園入面有一排好靚既酒瓶，當然梗係去合照一下啦！

可能今日係星期日既關係，周街都有好多人，仲有一Ｄ著哂自己鍾意衫出黎既人！有Ｄ人真係好怪架．．．當然自己覺得鍾意就得！駛鬼理人地覺得佢地怪定唔怪咩　～～

我地首先去搵左我地要買ＴＥＥ果間鋪買左衫先，去到都幾易搵呀　～～　之後我地幾個掃左成５定６件衫！點知個哥哥仔可能同我地溝通唔到，佢有Ｄ衫冇問我地！而我地又唔知大家各自ＣＨＯＩＣＥ左Ｄ乜，之後埋單之發覺有２－３件衫唔係我地，但係呢間野有得吸引架嘛！佢又吸足印仔俾我地喎！哈哈哈！真係好　～～

之後我地就過對面馬路，就係原宿多人行既竹下通！入到入面除左我之前話標奇立異既大家外，都真係好多人！入面都好多野行呀　～～　但係今日我地要走４個站都真係冇乜時間，好多我地都係快行就當睇左！當然如果大家有睇中野，大家都有入去既！一定要買架嘛！哈哈哈！

行完竹下通後，我地行去表參道，首要搵左野食先，之後我同亞浩主意係要去ＫＩＤＤＹＬＡＮＤ同埋搵ＰＯＲＴＥＲ袋！

之後決家去左ＫＩＤＤＹＬＡＮＤ先，一座６層咁高既樓全座都係賣關於玩具既野，真係好正架！

行完ＫＩＤＤＹＬＡＮＤ大家都好餓，真係要搵左野食先，因為頭先公主話佢尋日都行左ＫＩＤＤＹ所以頭先佢有幫我地睇過有咩食，我地入左橫街睇下！大家都搵唔到要食Ｄ咩．．．又繼續行行行黎搵野食喇！

行行下見近ＰＯＲＴＥＲ，咁我地就去埋買袋先喇！用左１０分鐘買左個成千蚊既袋，都真係好豪下　～～

之後我地買完袋轉角有間出名既墨魚丸鋪，大家咁餓，梗係搵Ｄ野黎食啦！我同亞浩就ＣＨＯＩＣＥ左個蛋包墨丸，但係剛剛賣到我地！佢地果盒．．．竟然要等呀！佢地叫左個明太子墨丸唔知係咪要即刻整過！因為我見到佢有一盒正常架，冇理由唔賣俾佢地架嘛！最後都係冇等到我地就走喇！繼續去搵食　～～

行行行！終於搵到間意大利粉鋪頭入去食，但係又係冇位！不過好快就有喇，入面黑黑既！好有情調呀　～～～　我地５個人一坐底就即刻睇下有乜食，好在有英文ＭＥＮＵ知道係乜黎〔其實佢都有漢字都明白Ｄ既〕！

而亞浩就叫左個帆立貝意粉！

我要檢舉

台長：夜貓貓

人氣(59) | 回應(0)| 推薦 (0)| 收藏 (0)| 轉寄
全站分類: 不分類 | 個人分類: 2007年東京之旅 |
此分類下一篇:２２／０４　原宿．表參道．涉谷．新宿　之旅　～　２
此分類上一篇:２１／０４　ＦＩＮＤ　ＳＴＩＴＣＨ　之旅　～　４

回應(0)

Ｎｉｇｈｔ ＣａＴ ｃＡｔ 之家 多謝大家留意我的一舉一動 89愛的鼓勵 0訂閱站台

２２／０４ 原宿．表參道．涉谷．新宿 之旅 ～ １

Ｎｉｇｈｔ　ＣａＴ　ｃＡｔ　之家多謝大家留意我的一舉一動
89愛的鼓勵 0訂閱站台

２２／０４　原宿．表參道．涉谷．新宿　之旅　～　１