24h購物| | PChome| 登入
2007-02-07 00:36:12| 人氣25| 回應0 | 上一篇 | 下一篇

０６／０１　台灣朋友

推薦 0 收藏 0 轉貼0 訂閱站台

話說我台灣既朋友４號已經到左香港，但係因為我仲係要日日上大陸，所以只可以叫佢夜晚打俾我！咁我地約星期六出黎帶佢出去行街同埋食餐飯！咁佢地今朝早去左赤柱先，之後就打俾我，諗住教佢地過黎葵芳一齊行街！

點知．．．都我收工，約左ｖｉ＆公主行深水步，因為大家都覺得我條電話繩唔錯，大家都想買ｄ配料攪攪佢！佢都冇打過黎！正當我地諗住出發葵芳之際，終於有電話到喇，但係成５點都仲係赤柱喎，咁我就同佢講”不如你都係上山頂啦，橫掂你都想上，去落山既時候打俾我，我地再約尖沙咀或旺角我同你地一齊食飯啦！”。之後我地就出發葵芳喇！

今日我地３個人得公主有收穫，佢買左對好靚既鞋！咁我地諗左好耐，最後決定落旺角食打冷！落到旺角仲行左一陣添，因為等唔到佢電話．．．最後大家都決定唔等喇，食啦！打黎再算．．．點知．．．食完都冇人打過黎！而我地３個都好勁！人地隔離果台６個人食２４５蚊，而我地３個人都食到２３５！係咪好勁先！哈

之後因為我今日既勞動實在太大，我亦都冇等落去！大家各自坐車回家喇．．．沖完個涼冇幾耐！終於有電話到喇．．．真係俾佢地激死！原來佢地去左老蘭飲酒，又冇個電話到！我都冇咁好氣鬧喇，總之冇出事我就放心喇！之後仲約左佢地聽日中午飲茶添！希望今次唔會甩我啦！

我要檢舉
台長： 夜貓貓
人氣(25) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文