講番轉頭先　２３／８　聚舊＠Ｎｉｇｈｔ　ＣａＴ　ｃＡｔ　之家

2006-08-28 23:46:39| 人氣44| 回應2 | 上一篇 | 下一篇

講番轉頭先　２３／８　聚舊

推薦 0 收藏 0 轉貼0 訂閱站台

好耐都冇見　ＸＡＮＴＨＥ同貓貓喇！終於約到出黎食飯，貓貓結婚後都冇見過喇！成半年喇！有冇攪錯！哼哼哼！轉工大哂呀！ＸＤ　而ＸＡＮＴＨＥ睇ＣＯＮＣＥＲＴ都有見過　ＸＤ

大家約左去ＡＰＭ食晚飯，去”家傳滬曉”食上海野！今晚仲有個特別嘉賓亞培添！

亞培就更加耐冇見過啦，呢個都係結婚後冇見過！但係．．．已經係幾年既事，仲要依家離埋婚添！（真係有想叫佢回水！哈哈！講笑啦！）本身約埋亞勇架，點知．．．佢個女友去外國．．．佢話要送機黎唔到喎！算．．．留待下次啦！

今日一收工就去左ＡＰＭ先，我ＢＯＯＫ左８點，仲有大把時間剩！去到見到亞浩同個肥仔講緊野，我以為邊個啦．．．點知原來係亞培黎喎！嘩．．．佢肥左好多呀！我．．．最後果次見佢係又高又瘦架嘛！點知依家．．．

之後就見到貓貓添喇，ＹＥＡＨ！真係好耐冇見喇．．．今晚大把野講！ＸＤ原來今日係ＡＰＭ夜書展ＬＡＳＴＤＡＹ，真係要行下睇下有冇野執先！橫掂未夠鐘呀嘛！

我．．．又買旅遊書喇！真係有病！今次係　”北海道旅遊全攻略”！

買完上去拎位喇！

入去最角落位，唔錯呀！好　ＬＩＫＥ　佢　Ｄ　吊燈呀！好靚！坐底冇幾耐，ＸＡＮＴＨＥ就黎埋喇！可以叫送！ＹＥＡＨ！

嘩　～～～　好驚呀！大家睇到隻杯入面有乜嘛？！

答案係：虫～～～　仲要係大條！想嚇死人咩！之後我影完相叫人黎換過哂我地Ｄ杯同茶！個女仔真係冇乜禮貌，亞浩只係開玩笑咁同佢講，你真係會換哂佢架呵！佢竟然答．．．下．．．會啦梗係！

其實．．．茶．．．真係好難講！下次大家都要小心Ｄ喇！

漏左講．．．杯茶貓貓架！佢仲話我點解要挑番Ｄ茶葉出黎，我諗經過呢一次．．．大家都要挑喇掛！

我．．．竟然食完先記得影相！真係冇鬼用！

我地今晚既小菜有：

１）　話梅四季豆　（凍食架，好好味呀！）
２）　豬肉絲炒年糕
３）　小籠包　（呢個我至愛黎架嘛，唔少得架！）
４）　黃金蝦　（好大隻呀，不過．．．唔夠分咁囉！其實係唔夠喉）
５）　雲吞雞

最後叫埋甜品：
１）　高力芒果奶皇　（唔係好甜，我覺得唔錯喎！每人一個岩岩好）
２）　煎八寶飯　（呢個又係唔係好甜，仲有豆沙架！唔錯）

食完飯之後，因為ＸＡＮＴＨＥ個妹夫接佢回家，我地就行多陣先！呵　～～

今晚食飯食得好開心呀！雖然得５丁友，但係真係好耐冇見喇，由其亞培啦，我發覺得真係乜都問得出口架喎！我諗我要收儉一下！

我要檢舉

台長：夜貓貓

人氣(44) | 回應(2)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(2)

Ｎｉｇｈｔ ＣａＴ ｃＡｔ 之家 多謝大家留意我的一舉一動 89愛的鼓勵 0訂閱站台

講番轉頭先 ２３／８ 聚舊

Ｎｉｇｈｔ　ＣａＴ　ｃＡｔ　之家多謝大家留意我的一舉一動
89愛的鼓勵 0訂閱站台

講番轉頭先　２３／８　聚舊