24h購物| | PChome| 登入
2006-04-16 22:40:02| 人氣22| 回應0 | 上一篇 | 下一篇

１３／０４　食飯．．．但係遲到！ｓｏｒｒｙ．．．

推薦 0 收藏 0 轉貼0 訂閱站台

今日係我約左同亞珍＆佢個女，我仲叫埋麗娟一齊去！其實唔係尋日果單野，我諗我今日都唔會咁遲！

尋晚ｋａｒｅｎ打黎話睇完貨都唔好走，叫我留底同佢開完會先走，都ｏｋ啦！都應該唔會太遲！點知．．．

今日睇貨好順利，食埋個晏佢地就走左喇！咁我同ｋａｒｅｎ開埋會都係４點．．．點知．．．有塊布片要拎出個客道批．．．

落到去黃崗已經６點半，一定遲大到！不過我坐車途中已經勁ｓｍｓ俾麗娟！佢地都等我．．．之後我出到個客道７點半，個客好似知我趕時間咁，好鬼耐都唔批，之後仲直情話果款衫轉毛料添！係咪玩野先．．．

之後打俾老闆，話番俾佢聽呢單野，佢仲話番我轉頭，點解唔等埋另外一款衫既布片俾佢批埋，要換料一齊換！唉．．．打番上去大陸廠仲俾上面個跟單話番轉頭！你估我想咁急架咩！唔關我事架嘛！之後唔理咁多打埋個電話俾老闆仔叫佢跟一跟，就坐車入元朗！

都叫好彩，去都巴士站突然見到有架旅遊巴接緊客，１５蚊入元朗都幾抵！之後都成９點先入到去！我諗我要同２個朋友ｓａｙ　ｓｏｒｒｙ！真係唔好意思！

其實我地約左去元朗食好抵食大大件既壽司，佢地　ｃｈｏｉｃｅ　呢間叫”千壽司”，嘩．．．佢既蟹子沙律真係太恐怖，好大碗〔有一個湯碗咁大〕，之後梗係叫壽司啦，點知．．．我食左４件就停口喇！講真，唔好食！太大件唔係一個因素，而係ｄ飯太大舊喇，跟本食少少就會停！我諗去元氣我會食得開心ｄ囉！

食完野我地仲去左食甜品添，麗娟話有一間好好味架，咁帶我地去試下啦！間野叫”泛後甜品”，佢既榴槤ｐａｎｃａｋｅ真係超級好味，佢既ｃｒｅａｍ唔多架，真係好美味，另外仲叫左個什果涼粉添！呢個就ｏｋ啦！我都係欣賞個ｐａｎｃａｋｅ多ｄ！下次可以再試下！

番到黎屋企，見到仔仔隻腳有ｄ都唔行到，仲叫添！即刻好緊張打俾細佬問清楚，點知細佬話原來佢今日俾對面個妹妹整親！唉．．．等我又冇覺好訓！留意佢一晚聽日再決定同唔同佢睇醫生！

我要檢舉
台長： 夜貓貓
人氣(22) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文