24h購物| | PChome| 登入
2005-10-26 22:29:55| 人氣56| 回應0 | 上一篇 | 下一篇

２２／１０　草蜢林狗我們一起發花癲

推薦 0 收藏 0 轉貼0 訂閱站台

今日收工番左入黎屯門，再出番去睇　ｃｏｎｃｅｒｔ　心情都唔多好，又係因為麗娟每次放我飛機都係咁！無啦啦星期五同我講佢亞媽叫佢幫佢做ｄ野，唔去唱ｋ，個心情都唔好架啦！因為．．．好似番屋企好無聊咁！點知．．．原來佢亞媽叫佢係幫佢打住麻雀先，最攪笑之處因為佢亞媽個唔知邊個親戚個ｂｂ滿月要上大陸唔知點樣慶祝，之係麗娟仲要扼我係有野做，而唔係照實講！唉．．．

好喇，終於到差唔多時間喇，出門口！約左ｂａｂｙ去新世紀食埋野先坐火車去，竟然又有勞氣位，ｂａｂｙ已經搵定哂位等我地，點知去到我梗係話去買野食先啦，點知我買完野食番黎，佢兩個竟然繼續談情．．．而唔係搵個人出去買野食！都算啦，係咪應該是但一個出去買，搵個人坐底同我擺位先，我一個人坐o係道擺住４個人既位３個人坐，不停咁俾人問”有冇人？！”，我唔係介意我一個人o係個位道，而係不停俾人問令到我食唔到野！其實都差唔多７點９架喇，再遲食野就會遲入場！

呵，順利去到紅磡火車站，竟然．．．第一個驚喜係見到亞葛呀！不過．．．竟然唔拎相機出黎同佢影相，真係蝕！入場搵位坐，我地個位都唔太後，１００蚊第３３行其實都ｏｋ囉！襯未開場拎住麗娟個望遠鏡睇下有乜明星睇先，有發現喇，有康仔、德勛同佢女友，仲有黃耀明同谷德超添！

開場喇開場喇，好ｈｉｇｈ呀，睇草蜢就梗係企起身一齊跳啦，點知後面條仆街不停拍我叫我坐番底，真係好唔開心呀！算～～～我忍！點知隔左冇幾耐，到麗娟企喇，條仆街又拍佢，今次仲串，佢話”對唔住呀對唔住呀，我黎唔係睇你背脊架，你坐番底啦”，仆你個街，真係好難忍！襯靜左冇音樂既時間，我不停咁單打佢”（容我爆一爆粗！〕仆你個臭街，咁唔ｈｉｇｈ睇　ｃｏｎｃｅｒｔ番屋企聽ｃｄ啦！屌你老味！”可能係咁嚇一嚇佢，我地林尾再企起身，佢已經頂我地唔順，再冇幾耐直情走埋添！

我要檢舉
台長： 夜貓貓
人氣(56) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文