24h購物| | PChome| 登入
2005-09-05 23:33:04| 人氣28| 回應0 | 上一篇 | 下一篇

１／９　唔開心．．．

推薦 0 收藏 0 轉貼0 訂閱站台

今日好多野做，不過收工約左朋友落旺角ＣＡＦＥ食飯！

下晝接到老豆既電話，佢打黎同我講佢去左房屋署道改我間屋既名，因為離婚手續已經攪掂，所以可以改做我亞媽個名！但係佢問我可唔可以　ＯＵＴ　我個名出黎同佢一齊申請一間屋，等佢可以申請大Ｄ！可能我火緊既關係，諗都唔諗就答佢唔可以因為仔仔係我名係唔可以ＯＵＴ既，之後佢就問我，咁　ＯＵＴ　細佬個名好冇呀，因多野做既關係，我就好快咁答佢唔知呀自己打俾佢問啦！

收左線之後越諗越唔對路，即刻打俾細佬同佢講，老豆係咪問緊佢轉名既野，叫佢乜都唔好答，叫老豆收線我會打俾佢！咁我就話細佬都唔可以ＯＵＴ，冇理由佢自己一個人住就可以申請大Ｄ，同埋我事後覺得佢一定係申請埋Ｄ人落黎香港住！我就同佢講你申請到大Ｄ．．．咁我地咪唔可以轉屋囉！佢竟然一句答落黎話我自私！呢一刻真係　ＳＵＰＥＲ　唔開心！

之後冇幾耐，到我亞媽打黎，一開口就話我篤佢背脊，話我好同亞婆講佢成日飲醉，我就好火咁答佢，我話我係咪講大話先，唔係呀嘛，我都係講真話，話咩我講大話呀！之後佢講Ｄ乜我已經唔記得，我淨係知道我好唔開心！收左條線之後已經忍唔住O係公司勁喊！

果晚同Ｄ　ＦＤ　出左去旺角食飯，我地上左去樓上鋪既ＣＡＦＥ道食，一於化唔開心為食量！不過．．．都唔係食左好多咋嘛！不過食左件ＴＩＲＡＭＩＳＵ好滿足呀！

之後傾左陣計，我好想行街呀，更加想買下野〔其實係想駛下錢另自己開心Ｄ〕，呵呵！我地去左行兆萬，我買左幾件史廸仔既野好開心呀！行完兆萬行埋瓊華就回家喇！買完野個心情都仲未好得番．．．

我要檢舉
台長： 夜貓貓
人氣(28) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文