Ｎｉｇｈｔ　ＣａＴ　ｃＡｔ　之家 多謝大家留意我的一舉一動

89愛的鼓勵 0訂閱站台

超級唔開心！今日諗住一起身就去左深水埗睇左有冇現貨買，點知未起身就俾ＫＡＲＥＮ打黎問我野，問我自己攪得掂冇，因為我一直都覺得攪得掂，所以一口就話佢聽ＯＫ，唔駛幫我！

點知．．．落去行左個幾兩個鐘之後都．．．一Ｄ收獲都冇，個心越黎越驚，呢個ＭＯＭＥＮＴ就問ＫＡＲＥＮ可以幫我冇喇，唔知點解一聽到佢把聲已經忍唔住勁喊，係唔理有冇人O係條街道仲要係好大聲咁喊〔依家諗番起都覺得自己勁〕，之後我去左食Ｄ野，因為我冇食過野又哂住黎行，個人真係好暈！！

一入到去仲喊緊，個侍應個樣好似好驚咁，我都唔知自己想食乜，是但叫左樣野就算！食完個早餐我見等左好似好耐咁，就問ＫＡＲＥＮ落到黎未，佢叫我出面等佢黎，冇幾耐就到喇，〔呵呵！我發覺我Ｄ眼淚好勁，驚起上黎可以不停咁喊〕佢叫我坐佢車道等，佢去搵！但係．．．我坐住佢架車不停咁喊之餘，仲係好擔心咁不停咁望佢有冇好消息，當然冇啦！因為佢去果幾間我都行過哂喇嘛！

之後佢決定染，果間野仲好好咁話即日有得拎．．．只不過係夜晚，雖然我聽到呢個叫做既好消息，不過一日未到手我都覺得仲有危機！之後佢話我知點解間野會幫我地係因為ＫＡＲＥＮ個仔．．．間野話要ＫＡＲＥＮ帶個仔去佢間野，佢先肯幫我地，出賣左ＹＯＹＯ真係唔好意思！

之後我地就番公司啦，ＫＡＲＥＮ叫我唔駛擔心，５、６點就會有得拎，咁岩
ＢＥＡＶＥＲ落左黎香港，就跟佢去左荃灣之後諗住咁上下有得拎，我就同佢一齊過關，之後佢車上去，我就大工告成！點知．．．過下又一個鐘過下又一個鐘，依家既答覆係７－８點先有得拎．．．

咁我諗住仲有時間，不如番屋企等啦，再出深水埗都ＯＫ啦！但係．．．　　　　ＢＥＡＶＥＲ話番屋企做乜．．．其實我都唔知囉，只不過番到屋企我覺得舒服Ｄ囉！之後佢就車左我上ＭＡＲＩＡ屋企，我初時諗住上到去，可以訓下！但係我真係訓唔著囉，可能仲係好擔心！之後ＭＡＲＩＡ拎左Ｄ相俾我睇，睇左好多好多！

我再催下睇下幾點有得拎，依家．．．唉．．．又話８－９點喎，我真係越黎越擔心喇，打俾ＫＡＲＥＮ佢叫我出門口先，落到去深水埗再算！

我個電話冇乜電喇，死．．．！！！打俾ＫＡＲＥＮ話佢知都係要９點半先有，佢話我知"等啦！收到既你就一個人上，我隻手有Ｄ痛都係唔上喇！"，聽完呢個消息仲驚，一個人上，我都未試過，好驚Ｄ橫紋帶俾海關收哂！唉．．．

之後因為覆實左話係９點，咁ＫＡＲＥＮ叫我上左佢屋企先，有叉電座叉左電話，之後再車我落去拎完再車我去落馬洲自己過關！

落到去深水埗冇幾耐就有喇，不過俾我地想像中多呀，一個喼係放唔哂架！我係要拎一袋加一喼先ＯＫ！！是但啦，依家有個心都放左一大半，但係因為未過關既關係，都係有Ｄ驚！

之後去到落馬洲Ｄ人多到呢．．．要等成十架車先可以上到車！我．．．即係打俾ＫＡＲＥＮ問可唔可以去上水喇，我諗呢邊咁多人果邊應該冇咁多，之後佢叫我坐ＴＡＸＩ過去上水，佢打俾陳生改地點，點知我上車冇幾耐佢就叫我落車，仲累我俾ＴＡＸＩ司機鬧，我都唔知點好，淨係不停咁同司機講”ＳＯＲＲＹ”！

比我想像中快，我好快就已經上左黃巴士，但係．．．過關就真係好慢！之後好順利咁過到去喇，一見到”溫頓”[廠既司機]成個人即刻鬆哂！佢幫我拎Ｄ野上哂車，我就即刻番去香港果邊過關番屋企喇，個心終於安樂哂　～～～