24h購物| | PChome| 登入
2005-07-07 00:17:22| 人氣44| 回應0 | 上一篇 | 下一篇

４／７　自動自覺

推薦 0 收藏 0 轉貼0 訂閱站台

上回講到老豆有事唔肯番香港醫，今日無啦啦收到佢電話話已經落番黎香港既醫院醫！

佢打黎就同我講佢入左去北區醫院留醫，我梗係忍唔住都話左佢兩句啦，果日明明叫佢一早落番黎醫架嘛！佢話喎，因為佢高血壓既關係，我打俾佢果日仲係好高，所以行動上不便！所以先留到今日先落番黎！唉．．．不過算啦！落番黎點都好過o係大陸醫院醫！

收線之後，我打俾細佬叫佢入去睇一睇佢先！佢叫我交帶細佬落佢做野既鋪頭拎ｄ野，順便同佢老闆娘請埋假！我就叫我細佬去完就打俾我再睇下點！

之後我一直忙於工作上既野，直到細佬打俾我話岩岩睇完佢！佢話佢面色好紅潤，淨係半身冇力去”旭”！淨係聽佢講完呢番說話，我都冇擔心喇！

番到屋企，好自然咁問細佬”佢有冇同你講乜？！”，個答案其實我已經知，只不過我想聽下會唔會同我剪頭髮果日聽既一樣！果然有ｄ新意！

當然都係拎個電話出黎話俾細佬知，有個靚妹係佢個女！就叫我地認佢！我同細佬同一個答案”我只得一個細佬＝家姐，唔會再有！”，我細佬勁ｄ，加多一句，
”我只得一個家姐，仲有一個細佬，果個係我隻仔仔！”我覺得呢句好威囉！哈哈！

之後我老豆竟然同細佬講”我唔望你地兩個會認佢，只不過希望你地認住佢個樣，第日有個小妹妹跌親都希望你地會扶佢！”

呢句野我個腦淨係諗：其實唔理佢咩人，乜人我都會扶啦！

ｐｓ：我．．．係咪應該去醫院睇下佢呢！

我要檢舉
台長： 夜貓貓
人氣(44) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文