Ｎｉｇｈｔ　ＣａＴ　ｃＡｔ　之家 多謝大家留意我的一舉一動

89愛的鼓勵 0訂閱站台

我地一早起身呀要，因為繼續我地今日既行情囉！

嘩．．．個早餐好豐富呀！好開心呀！尋日餓左咁耐，可以食番夠本！

我地今日第一站去左中正紀念堂，入到去真係好無聊！只係好俾面咁睇左一陣就．．．即刻出左門口等喇！

之後就係珍珠養殖中心，當然呢個又係悶野啦，不過我地跟團係咁架喇！

第３個地點就係去食午飯喇，呢餐係全土雞宴，全部野都好好食！大家都食左好多添！

之後就帶左我地去袖珍博物館，雖然導遊同我地講話唔俾影相，但係．．．我地冇理囉！咁靚點可以唔影架！

第５站就去左故宮博物館喇，當然．．．我地後生仔女，呢Ｄ野真係悶到．．．得一個字～等！

之後就車左我地入淡水喇，呢個我好期待架，睇書講得好靚架，首先我地入左去漁人碼頭先，雖然車程真係好耐，但係入到漁人碼頭真係好正囉！一去到我已經有目標喇！當然．．．係狗啦！好多狗狗O係道呀，好正呀真係！呢道只得半個鐘，行一陣已經話夠鐘喇！唉．．．

之後我地就去左淡水老街，我地搵左好耐既義美，終於黎到老街見到，我同亞欣都好開心呀！老街其實都只不過係一條食街，真係行到邊食到邊架！但係我咳得真係好勁，有好多野我都．．．冇忍口！導遊介紹左三樣特別野我地食，就係“阿給”、“淡水魚丸”同埋“米粉炒”，我覺得阿給幾好食架，出面係一層豆腐入面有粉絲同埋一Ｄ豬肉碎，而Ｄ魚旦我覺得九份果Ｄ好食Ｄ，至於米粉炒其實就係炒米粉啦，只不過冇醬汁囉！食完之後我地行左陣街啦，我．．．就冇買Ｄ乜，而婉薇終於買到涼鞋喇，都幾靚架！我．．．太心急喇，因為都６點喇，好驚冇哂蜂蜜蛋糕賣，所以我就同佢地講，不如買左先啦！呵呵，好在早Ｄ去咋！我地去到已經冇乜，我買左３條，麗娟同亞欣每人買左５條，我以為已經俾我地掃哂！有個人入黎見到我地咁，佢．．．問仲有冇，點知仲有一條，呵呵！早知我買埋啦！係咪好黑心呢！

之後我地就出士林夜市喇〔但係得個半鐘咋〕，可能因為食得飽飽地，暫時都唔太餓，我地去左行街先，O係士林呢邊都係得個“行”字同埋個“食”字，我地有玩夾公仔，好勁呀ＢＡＢＹ，竟然一次就中左隻“唐老鴨”俾麗娟喇！

之後我地見冇乜時間，即刻去番食野果邊食野！我地梗係要食最好食既雞排同棉棉冰啦！我．．．雖然病，但係我真係唔想忍口囉，唔係我．．．好似冇黎咁，當然唔食咁多ＯＫ啦！

去到排左雞排果道好耐，買完就即刻搵佢地喇，個導遊叫我地應該要試下個“苦瓜汁”，我地梗係有試啦，但係個味道我就真係唔．．．ＬＩＫＥ囉！之後大家買左Ｄ野O係食冰果道食，但係．．．ＢＡＢＹ同亞浩話想食Ｄ實質Ｄ既野，所以．．．佢地去左另一道食，之後就搵我地！終於食完喇，但最後亞浩同ＢＡＢＹ都話想食粟米，但係時間又就黎到喇，所以我地就行快Ｄ去買喇，因為Ｏ係行街果邊先有得賣！

去到喇，不過．．．要等到耐，條粟米好攪笑架個樣，好似有Ｄ朱古力Ｏ係面咁！味道就．．．ＯＫ好食啦！

之後我地就要番酒店放底Ｄ行李就即刻出去再黎過，我地首先去左食阿宗麵線，之後我地就去睇下唱Ｋ幾錢，好在Ｄ價錢都唔係貴，我地就決定試一試喇！

我地去左”錢櫃”，佢既計費係包箱收費再加人頭費，玩左兩個鐘左右我地張單要埋２５００幾蚊，都ＯＫ啦！之後我頂唔順就話要番酒店喇，因為．．．我真係好唔舒服！聽日仲要去水上樂園玩架嘛，大家快Ｄ番去訓！