24h購物| | PChome| 登入
2005-05-30 21:07:14| 人氣21| 回應0 | 上一篇 | 下一篇

２６／５　台灣行出發喇　～～～

推薦 0 收藏 0 轉貼0 訂閱站台

今日１１點機，不過我地集合既時間係８點５５分，所以我地最後決定都係早少少入左機場先，初時諗住６個人包架車入機場，但係最後都係坐Ａ３３直接入機場！

入到機場我地係最早報到呀，個領隊〔ＫＥＮＮＹ〕個樣．．．好得意肥肥地咁，不過．．．都幾老架喇！攪掂哂之後我地就即刻去食早餐喇！

終於入閘喇，但係因為太早入去，我地．．．悶左好耐！

上機喇，個位．．．唔係咁好！左邊３個位既最近走廊一個位＋中間４個位再＋右邊最近走廊既一個位．．．總之就係　ＳＨＩＴ！

之後個飛機餐又幾好食喎，係一個飯黎既！正！

到步喇，呵呵！好開心，終於黎到台灣喇！我地第一站去左九份先，之後先再上鴻禧大溪別館！

我地坐架旅遊巴上九份，途中導遊〔ＭＩＮＧ，佢話叫人唔好叫佢ＭＩＮＧ姐，要叫佢ＭＩＮＧ妹，佢都唔知醜，明明成４０歲架啦〕不停咁講野，但係佢話我地一團人都掛住訓，冇人理佢！可能我係第一次上九份既關係，全程我都冇訓到覺！

上到九份喇，介紹左一間食牛肉麵既，一間食丸同埋魯肉飯既鋪頭！咁因為我地太餓既關係，我地最後決定都係食左牛肉麵先，之後再去食丸果道食！

其實我對於呢個地方唔太熱衷，可能都係同香港既赤柱差唔多掛，又係乜都有得買！

佢話我地知，我地第一日住既鴻禧大溪別館離市區好遠，叫我地去定７－１１買定Ｄ水同埋野食，驚我地今晚會餓咁話！我地去左７－１１竟然．．．買左成６００蚊！勁．．．

我地終於到喇！嘩．．．呢道個景同埋Ｄ地方真係好靚呀！雖然呢道既賣點係拍過流星花園，但係．．．我地係睇唔到邊個位囉，而佢又冇帶我地去．．．真失望！

我地一去到就食左晚飯先，但係ＤÅ就．．．一個字“差”！好在我地Ｏ係７－１１買左野食，如果唔係就一定餓死，食左少少野，我地就上我地今晚訓既房喇！

嘩．．．我地間房好ＧＯＯＤ呀！約左大家休息一陣就換游衣去浸下個溫泉嘆下！去到溫泉．．．都叫做失望，可能我想像中既溫泉同呢道唔到掛！

玩左１個鐘到，我地就上番房喇，大家去左我地房道玩左陣啤牌，食埋我地頭先
O係九份買既薯片，就各自番房訓喇！

我要檢舉
台長： 夜貓貓
人氣(21) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 2005年台北之旅 |
此分類下一篇:係咪好得意呢

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文