24h購物| | PChome| 登入
2005-05-16 21:46:55| 人氣23| 回應0 | 上一篇 | 下一篇

１６／５　要學識放底

推薦 0 收藏 0 轉貼0 訂閱站台

今日起身之後，打俾麗娟叫埋佢一齊去食 LUNCH！但聽佢把聲．．．好似唔係咁想咁！之後我梗係問佢係咪約左ＢＡＢＹ啦，佢都答我係．．．咁當我諗住收線之際，佢就話同我食喇！咁尋日亞欣話想拎埋野俾佢，咁我咪順便約埋佢一齊食啦！

之後食野．．．大家都O係道傾台灣既野，希望月尾大家會玩得心Ｄ！之後我就問佢今晚去邊呀其他等大家有野傾．．．點知佢．．．好似唔願意答咁”冇呀，約左ＢＡＢＹ去元朗行街咋嘛！”，到呢道大家就好大個鈍點喇！之後我地就去左還書啦，點知．．．佢突然話肚痛要去廁所！

佢去完出黎話有人叫佢去睇首影，咁我咪問佢睇咩啦，答完之後佢就話應該唔去多，咁事隔一陣佢媽媽叫我地去ＭＣ陪佢食野！我叫佢今晚去完元朗番黎，幫我買雞翼尖番黎啦，點知．．．佢用Ｄ唔係太好既口吻．．．答我．．．”下！點買呀！”，咁我就好自然咁答佢”你唔係去元朗食飯咩？”，佢又繼續答我”咩呀，係呀，不過我地去睇埋戲喎，點買呀！”，咁我又用番Ｄ唔好既語氣同佢講”鬼知咩，你頭先明明話唔架嘛！唔駛囉咁！”。就係咁樣．．．

夜晚我拎番呢個野黎同亞浩講，其實我明亞浩講乜，但係我覺得我同麗娟成２０年朋友，點解攪到依家兩個人，好似唔熟朋友咁呢？同埋佢依家有乜野．．．佢都已經唔會再同我講，又或者去街都唔會叫我去．．．我．．．真係好唔開心囉！依家同佢既友誼好似淨番租書咁！淨係租左書先識搵對方，又或者好似我尋日咁，我租左連搵都唔會搵佢，因為我覺得．．．佢還唔到！唉．．．點解大家會攪成咁呢！可能亞浩話齋，我睇得呢段友誼太重，我應該學識放底！希望我可以睇得到！

今晚為左呢件無聊事，已經喊左兩次，希望快Ｄ可以”放底”！

我要檢舉
台長： 夜貓貓
人氣(23) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文