24h購物| | PChome| 登入
2005-02-12 00:52:51| 人氣24| 回應0 | 上一篇 | 下一篇

年初二．．．

推薦 0 收藏 0 轉貼0 訂閱站台

今年年初二都好特別，平時既年初二就一定會上亞婆道睇煙花，之後就一家人去食開年飯，但係今年．．．因為我四姨個老爺大吉利是左，所以佢邊道都唔去得，我同我亞媽同埋細佬o係屋企過左一個世紀以黎最無聊既年初二！

今日起身已經係２點喇，不過起身完全唔想落街買野食，我．．．竟然叮野食，哈哈，夠哂懶！

亞媽放埋今日就番工喇，特登叫左亞浩入黎食飯，不過佢去左佢亞伯道拜年，玩完先入黎。嘩．．．我細佬竟然訓到５點，之後煎羅白糕食，我阿媽完全冇動靜！

亞浩入到黎喇，已經係６點幾既事，我落左街陪佢去買禮物上黎我屋企，我地去左兩間既超市，我地去完惠康完全諗唔到買乜，之後去左美景，我地初時諗住買nuts既禮盒，點知行行下，俾我地見到d好出奇既野！就係．．．品客薯片既禮盒裝！好得意架，有６筒咁多添！我地買完上去，我亞媽竟然仲未醒，仲話亞浩做咩咁早入去，佢勁．．．都唔睇下依家幾點，７點喇大佬，係你一個唔起身咋嘛！

我地上左去虹橋酒樓食飯，我亞媽去到竟然拎左一疊利是放O係桌面，我梗係"豪"
不留情話佢啦，大佬你有錢佬咩，派咁多錢，唔好當佢唔係錢先得架，Ｄ侍應不停o係我地身邊轉，好似"猴"實d利是咁！

本身約左麗娟去打麻雀，點知突然佢男友話唔打，等我地掙雙腳，唉．．．冇得打，最後我同婉薇決定同埋亞浩去睇”韓城攻略”，梁朝偉正呀，哈哈！不過睇完套戲都唔太 good！睇完亞浩就趕住出番佢亞哥道打麻雀，而我同婉薇就約埋麗娟去食宵夜！

食食下宵夜，突然麗娟細佬打黎寮我地打麻雀，呵呵，好呀！我地正想打！我地既戰果好 good，我一個人 win 哂咁滯，因為婉薇都係 win 得 12蚊！我地打到差唔多４點，就即刻 bang bang 聲訓，因為真係好眼訓！

我要檢舉
台長： 夜貓貓
人氣(24) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文