Ｎｉｇｈｔ　ＣａＴ　ｃＡｔ　之家 多謝大家留意我的一舉一動

89愛的鼓勵 0訂閱站台

上星期做節亞姨已經話我公公既遺產入左佢 account，大家都估唔到點解ｄ錢會咁快到手（只不過係戶口既小小錢３０００蚊），咁亞婆就提議去食左佢，咁都冇問題啦，咁星期３果日亞姨就打黎話星期六入去南Ｙ島食海鮮喇！ｙｅａｈ！！

點知星期四突然打黎話不如改星期五啦，我問佢點解，佢竟然答我係因為星期六要番屋企睇金枝大結局，我諗呢套野都入哂人既心入面！是但啦，橫掂我都冇約人！

咁今日好好彩亞浩可以放到假，一齊入左去食，當然有我細佬啦，咁我地本身約左６：１５ｏ係海怡半島等，再一齊去香港仔碼頭上船，點知有好特發既情況發生，另到我地遲左，咁我就打俾亞姨話佢知我自己去碼頭啦，點知打到去都俾人鬧一餐。

最衰既唔係俾人鬧，而係我入到去香港仔諗住坐ｔａｘｉ去碼頭，我已經超急，因為亞姨話架船７：００就開唔會等人，我６：４５仲搵緊ｔａｘｉ，而我又唔知個碼頭近唔近，所以真係好心急！咁我地等左成５分鐘，終於有ｔａｘｉ喇，點知上到車我已經覺得唔對路，個司機係一個我覺得好鬼老（睇樣已經７０喇）同埋佢落錶既時侯又唔知係咪禁錯制喎，個錶跟本冇起過，咁我咪話明日居既碼頭，個亞伯好似識路咁，佢無啦啦自己講”ｏ係果邊”，咁好啦，由佢行，因為我真係未去過，點知行行下又好似係頭先轉彎果條路，開始覺得越黎越怪，我個心又急，我冇出聲，諗住睇下佢點先，點知行行下，佢就話”呢道係架喇！碼頭既話同你轉埋入去啦！”，咁我地咪轉左入去就真係到喇，個錶２２蚊，咁岩我冇散子，正諗住問亞浩有冇既時候，亞浩就話”亞伯你頭先兜路喎，就咁啦，我地唔會俾果ｄ你！”
嘩．．．呢一刻我覺得真係勁，我都唔知點話唔俾，其實條路應該唔駛跳錶架亞浩話，我俾２０蚊佢已經偷笑喇喎個司機，咁我都覺既，點會兜哂路喎，激死我！
我去到仲要俾亞婆鬧我冇時間觀念，其實我想解釋，不過解黎都冇用！算啦！由我俾人鬧！！

入到去南Ｙ島食左一餐都叫豐富既海鮮餐，其實都唔係話真係好好食，我覺得同酒樓既都冇咩大分別，９個送就食左成２７００蚊，真係好貴！

食完，我四姨丈提議不如去食埋甜品先走啦，橫掂架船有排都未開，咁我地就去左食姜汁撞奶喇，都真係幾好食架喎！

走既時候，我地去番我地頭先食果間野道睇海鮮，我見到ｄ蟹都係好鬼大隻，我有隻手臂咁鬼大架，就係相中既蟹蟹喇！其實仲有一款蟹架，果款叫澳洲泥蟹，嘩．．．我諗住影埋啦，亞浩放隻手指諗住幫我做比例，可以睇到隻蟹有幾大隻，點知一放埋去，隻蟹即刻起哂ｘ，好似想夾我地咁呀，佢係兩隻一齊起架，幾鬼型呀！