24h購物| | PChome| 登入
2004-09-27 16:24:46| 人氣42| 回應0 | 上一篇 | 下一篇

做節．．．．

推薦 0 收藏 0 轉貼0 訂閱站台

25/9 做節

星期四已經約好今日去亞姨屋企做節，本身諗住出去食既，點知亞婆話佢要拜神，
有燒肉同雞諗住拎上我亞姨道食，咁我就話細佬想同你食飯呀嘛，上亞姨道食是但啦。

咁今日既朝早，亞婆好勞氣咁打黎話，亞姨個賓妹今日原來放假，ｄ送要佢整番，
咁我都有係咁易安慰佢幾句，我咪早ｄ上黎幫你整囉，你咪冇咁辛苦囉，我放左工就約左亞浩食ｌｕｎｃｈ，之後我應承左亞婆幫佢幫一條紅油，我ｏ係亞浩公司無聊到４點幾，咪去買送囉，一去到街市，實在有太多野想食喇，最後我係買左一條芝麻班，兩隻蟹，兩斤蝦同埋一斤蜆喇！

咁我上到去亞姨屋企，覺得好奇怪，點解得亞婆一個人ｏ係屋企，亞婆話佢地３個去左打乒乓球。亞婆叫我坐陣先去整送啦，我地閑聊左一陣，我就去整送喇，點知好突然咁亞姨一個人番黎先，佢見到我整緊送，佢竟然話”你整ｄ野入唔入得口架”，之後我就有ｄ勞氣咁答”唔入得架，你整啦一係”，我亞姨仲答得野笑”我唔識喎”，我真係想講一句”你唔識就唔好咁ｑ多野講啦”激死我！

到晚飯時間，首先佢整蝦先，佢整完就同我講”到你喇”，咁我咪入去整囉，我首先炒左蜆先，整完出去，佢竟然同我講好咸，我姨丈同我細佬都話ｏｋ，同埋明明出廚房前我都試左味，我覺得岩岩好，算啦，可能各人既口味都唔同，咁我冇出聲，咁我炒埋ｄ蟹先啦，炒完出黎我亞姨又話”好咸”嘩．．真係激死我！

呢餐飯真係食得好唔開心，明明煮左咁多年野食，我對自己煮野食都有信心，
咁樣俾人話真係唔底！

我要檢舉
台長： 夜貓貓
人氣(42) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文