<<愛人與被愛>> - Angela
兩者之間似乎存著住一種好相對既關係
愛人者無辦法企係被愛者既角度去諗
被愛者亦都無辦法企係愛人者既角度諗
被愛者一句話 "我好無聊"或者"我心情唔好" 愛人者就會放低自己手頭上所有做緊既野去陪被愛者 即使陪到凌晨三四點亦都係心甘情願既 但愛人者呢 無聊既時候 心情唔好既時候 被愛者就唔一定能夠陪係佢身邊 亦都冇咁在乎 所以通常呢 愛人者必需要自己諗辦法 將戈D好唔開心既情緒清理左 或者尋求其他既方法去發洩
被愛者想去邊到 想食D乜野 愛人者就會唔理距離有幾遠 或者有幾艱辛 就係會諗辦法令到被愛者感受到溫暖 感受到所謂既"幸福"
有時候呢 愛人者既付出 係被愛者既眼中 好似一切都好理所當然
被愛者會漸漸會咁將愛人者當左垃圾桶 有咩心事都會倒起佢既身上
愛人者所花費既時間 精神 係佢心甘情願既
就算不被珍惜或者一個人傷心 而愛人者難過失意既事情都係習慣隱瞞
希望 望住被愛者永遠都係快樂既 所以好多時候 就算發生左乜野都係選擇唔講以為可以默默咁感動對方 事實上愛人與被愛既思考角度係完全唔同 設入既方向亦都唔同
愛人者講D乜野做D乜野 都係要好僅慎 好驚被愛者討厭你或者發脾氣
一樣都係人 只係愛人同埋被愛既差別 點解要將自己搞到咁卑微呢?
愛人者接受被愛者既全部 即使佢有幾多唔好既野 因為鐘意
漸漸 愛人者會去選擇接受被愛者既全部
愛人者或者係好多面都覺得好優秀 被愛者既朋友都認為愛人者係一個好男人好女人 但係有時候 被愛者被愛人者寵壞左 唔單止睇唔到愛人者好既一面 什至好多挑剔
當然啦 愛人者係心裡面係好心痛 但係要扮聽唔到 睇唔到
愛人者永遠都希望被愛者可以黎打擾佢 被愛者就截然相對
被愛者一句"感覺唔啱" 就可以拒愛人者千理之外
愛人或者被愛 兩邊對冇錯 人為左兩顆心 每一對情侶都係要兩顆心先可以work out 到既 少左一顆心都唔可能得到幸福 所以唔會係被愛者既錯 更加唔可能係愛人者既錯
愛人既 總係唔懂得"甘心"呢兩個字 被拒絕之後既愛人者試住用更多既努力去挽回 其實好多時只要被愛者或者愛人者之間都可以有一?邏輯既想法 都可以試下企係對方戈邊到諗 可能就會冇咁傷心 亦都會明白對方點解會咁樣對自己
愛人者亦都不妨用下被愛者既角度丫 先去思考自己要既係乜野再去諗下對方要既係乜野 最後再問下自己
俾唔俾起得起丫?
Quoted From Angela - ＜＜冧歌有情人＞＞
文章定位：
