呢封信係有一個好朋友啱啱send比我ge...睇完...真係有d感動...
各位兄弟, 仲有無念住踢波呀? 我好耐無同大家一齊踢波啦, 大家畢業後各有各忙, 好唔容易先可以聚埋一齊踢波.
星期六, 係粵華踢波哥個呀叔突然話有波賽, 唔夠人, 問我借將咁話. 情急之下我都唔知揾邊個好, 因為星期六好多人要返工, 而自己戈日又要考試, 唯有叫住nico 同johnny 去住先, 自己急速咁考完試飛車都飛唔設去路環會合佢地. 結果, 係好耐無同大家甲波ge 情況下, 我地都打得唔錯, 得到第三.
呢件事, 對我來講, 我好有感覺. 雖然, 呢個賽事水平唔高, 街坊波啦, 但係我好耐無同大家一齊比賽. 一去到我地曾經win 過第三名ge 路環賽場, 我心入面真係百感交集, 好懷念過去我地做過ge 傻事, 記得天氣得3, 4 度時我地仲4, 5 點起身去星星踼ball嗎? 記得我地跑松山嗎? 記得我地日日念戰術呀? 記得我地山長水遠入長周只係為左踢ball 呀?
事過景遷, 星星變左軍型, 對開哥塊爛地都變左威記, 我地都變, 大林個d腹肌都變左做謝安琪個肚. 大家都對踢ball 有心無力. 我放棄了同大家踢ball, 唔係因為大家踢得唔好, 而係大家開始唔想踢, 成日聽到話咩自己老, 唔夠氣呀咁, 我開始放棄同大家踢ball.
我明白, 人各有志, 大家負擔唔同, 無可能好似我咁日日咁幼稚掛住足球足球, 但我地仲未win 過冠軍, 你地忘記左la? 星期六係路環我記得返想同大家一齊拿冠軍呢一個未完成ge 願望. 呀叔同我傾電話, 話佢踢ball 咁多年, 我地未必係最好波哥隊, 但一定係其中最有heart 最有熱誠ge 一隊, 哥一刻, 我真係有少少感動.
我當然知道大家要揾食, 仲要做好多自己中意做ge 野, 24小時都未必夠用. 但係我其實只係想大家有時間咪抽5 到10 分中出來跑下步, 得閒出來下踢衛生波跟下隊, 有比賽大家出來盡力玩下. 大家兄弟一齊好努力去做一件事哥種感覺, 有時真係爽到幾多錢都買唔到ga.
呢一刻, 無論放工幾累, 幾無時間我都會跑下步, 練下ball, 來緊有d 咩比賽我都要gather 大家一齊玩下, 無論水平高定低, 我都好想好想同大家win 返一2 個冠軍. 始終, 我地同冠軍還有一點點距離.
文章定位：
