「剛收到一位聽眾的來信，聽眾的名字叫阿龍。嘩！呢個一定係忠實聽眾喇，佢咁話：『清風哥哥，我由我初三就聽你的節目喇，到了現在都大三喇，一直都有支持你呀。不過支持還支持，今次都要你支持我喇。
我同我女朋友拍左拖4年喇，一直以來，我地都行得好好呀，我地仲諗過會結婚的，而且我地講過會第時一畢業就做工儲錢。到左今年，我終於都大學畢業喇，咁我就好開心啦，守得雲開見明月，諗住一切都完成啦，點知佢同我講，話唔想咁快有聯名戶口。
咁我就好唔開心啦，追問佢點解啦，佢就同我講，話近來有一個人追緊佢，自己覺得好亂，好矛盾咁，但係我同佢行咁耐，咁多個人追過佢，佢都未試過話亂呀。
我聽到，就更加唔開心啦，但我個人又內向小小，唔係幾敢問佢太多，因為我怕自己會講錯野，仲會失去佢。不過問心，我好多野都擺在心唔夠膽問佢。
之後果幾日，我就走左去劈酒，日日都飲天光先返屋企，返到屋企日日都好似死左咁樣，但我都唔明為乜，要擺曬d心事在心上，唔同佢講。
分手事小，可以找另一個，但因自己做錯而失去一個心愛的人，我唔敢做呢樣野。其實我仍然好相信佢，但係我唔明點解自己會咁辛苦，係唔係我信心有動搖呢？定係我想得太多呢？我又應唔應該問佢呢？』
聽到阿龍的故事，我只可以有一首歌比佢，「愛與誠」。先聽聽首歌先啦！
「其實自己一個更開心 只等你講
其實大家早已嫌大家卻扮忙
恨有多一點碰撞 仍然無聊事幹不敢打攪對方
要是你願意 誠實講一趟
彼此都起碼覺得釋放
不要哭 我也忍得了這些年來的委曲
沒法真心愛下去 只好真心真意的結束
＊別再做情人 做隻貓做隻狗 不做情人
做隻寵物至少可愛迷人
和你不瞅不睬 最終只會成為敵人
淪為舊朋友 是否又稱心
沒有心 只像閒人
若有空 難道有空可接吻
註定似過路人陌生 你怎麼手震
（這預告 發自虔誠內心）＊
長期被迫戀愛也真比 失戀更慘
長期扮演若無其事般 更困難
是我專登反應慢 明明為時甚晚 牌一早該要攤
再像我伴侶 仍望多一眼 一生都將會記得今晚
對不起 自動分手錯愕的你怕會傷感
盲目的我 現在也可轉台來賀你新生
別再做情人 做隻貓做隻狗 不做情人
做隻寵物至少可愛迷人
和你相交不淺無謂明日會被你憎
淪為舊朋友 是否又稱心
沒有心 只像閒人
若有空 難道有空可接吻
註定似過路人陌生 你怎麼手震」
我記得好耐以前，我有位好朋友曾經同我講過話，每個人都一定會有秘密，而對住唔同的人，就會有唔同的秘密。
呢句說話，好適合你現在的心聲。點解我會咁講呢？其實好耐之前，我呢位朋友講呢句說話的時候，就係佢結婚前同我講果句說話。而當時，佢其實知道自己女朋友的心唔係放佢，不過佢女朋友點都會同佢結婚咁話。
我就問佢啦，佢都唔愛妳，妳仲同佢結婚？佢就話，佢肯愛我，同埋佢話愛我，兩個理由，已經多過一個理由啦。
就咁樣，我個朋友就結左婚到現在。
有時候，我地好要求我地的愛人同我去講真話，仲要咩都問到篤咁。但係我真係想講的，就係問得多，會煩，會亂。令佢亂的，只不過係不停的去問，而不是件事本身。佢既然仲會留在妳身邊，倒不如讓時間去證明一切吧。
同時，我真的不建議你去問佢，因為我相信佢都會同你講呢件事，因為呢個女仔同你行得咁耐都無咩問題，如無破損，且由得她啦！
今日時間又夠喇！下次再聽大家電話！拜拜！」
放了工後回家，我就打電話給我大學同學阿文。到了現在我才想起一件事，就是由我大學之前的日子，我好像沒有相片留底呢！真奇怪，有機會會找他們取回相片呢！
文章定位：
