星期二晚比個朋友捉了出來傾心事(應該係星期三零晨)，佢話公司裏的上司成日找佢麻煩搞到好唔開心，但又未想唔做，問我點算？我直覺認為佢找我出來的重點不在於此，後來又話自己好耐都未試過快樂。自從同男朋友分手後再不想拍拖，自己好似只係為父母而活，如果父母不在人世就再沒有生存意義，聽到了佢這樣說我當然要開道佢啦。但係唔知點解我只係懂得搬一些無理據的論點出來，連我自己都不能說服何況佢，最後當然什麼也沒有解決過就各自歸家！
回家後立即就想出問題的所在，我相信在世上我係最無資格幫佢解決這問題，因為原來我同佢都係同一類人。佢為了父母而活下去而我卻係為了妳，突然間我再不應為佢的想法有什麼大不了，因為此刻我眼前的問題已經蓋過了一切。
這位朋友好似係上天刻意安排來提醒我的生存目的係為了守護妳，又或者係提醒我要找過新的人生目標。好可惜.....我可以不見妳，卻不可以不愛妳，除非有人偷走我的記憶，否則我會守護妳一世。我知被這樣的人愛上會很麻煩，但我卻停不了......
文章定位：
