＊+ Herman’s SPACE．. JuST FEeL YouRSeLF UndER ThE STaRry NigHT

63愛的鼓勵 0訂閱站台

2007．10．01~06
人物有:華理GE我 薯仔 周偉 小誠子 南京師GE唐嘉傑
到達城市:上海→南京→揚州→蘇州→上海
交通費:
上海→南京 - CRH $91
南京→揚州 - 面包車 $45
揚州→蘇州 - 火車(T) $76
蘇州→上海 - 汽車 $30

DAY1:
神咁早就搭校車出去上海南站
之後就搭地鐵去左人民廣場 十一假期果然係好多人啊
一出地鐵站就行都行唔到
諗住沿南京東路行去外灘 點知誤打誤撞入左去杜莎夫人蠟像館
見到姚明企係個大門口度任人摸任人影XD
於是同佢一齊影返張XDXD
由於我地GE資金有限 當然冇比錢入去睇蠟像LA
之後就行去外白渡橋LU
外白渡橋 即係情深深雨濛濛男主角跳江戈條橋 好出名GA
之後就沿住條路行左去虹口區
去左七浦服裝批發市場 成條街都係賣著上身戈D嘢
戈度都幾有廣州FEEL
之後就以我人生第一次極速步行行去上海站LA
行左成半個鐘 超攰
去到即刻有得入閘上火車 爽啊
趁有時間同和階號影相:)
由上海去到南京只係兩個鐘 最快速度戈段係上海至蘇州戈段
最高時速250KM/H 真係爽到冇朋友
去到南京已經天黑LU 南京交通真係唔多掂 很爛
夜晚住南京師範大學GE宿舍 入面有電視 幾爽
另外發現 原來南京師夜晚入面係漆黑一片 好少燈 好詭異 宿管好嚴
第一次爬欄杆入宿舍 幾特別

DAY2:
出發去左鐘山風景區 即係紫金山 大到不得了= =
遊左六個鐘先遊得靈谷塔同埋中山陵
好可惜係冇去到紫金山天文台 戈度我一直都好想去參觀下
話哂中國天文發源地係南京 唔去下戈度始終差左D嘢
中山陵好大 要走好多樓梯級 但上到去GE就只係可以見到副石棺
但望返落嚟LE 就真係好壯觀 原來我地已經上左去山腰位置
望落去下面一望無際
之後就去左夫子廟 人流多到水泄不通 但還是很有特色

DAY3:
第一站去左古城墻 藏兵三千人
之後去左雨花臺烈士墓園 由於價值與觀賞性唔成比例
所以決定唔入 係大門口望一望入去就走了
之後就去左大屠殺紀念館
沿途問人才得知現在維修中 十二月才再對外開放
咁我地又循例去佢門口度昅一昅 之後就走人出發去揚州LU
去到揚州已經十一點 去左街邊食地道揚州炒飯= =

DAY4:
揚州真係好靚 成個城市都好有特色 尤其綠化做得好好
我地去完揚州八怪紀念館之後 租左兩部三輪車遊揚州
真係幾爽 遊左好多地方 我都唔記得哂
之後入左朱自清故居
最後一站去左瘦西湖 當然冇買門票入去LA
瘦西湖個湖邊好近我地 所以唔洗買門票都可以去到
等遲D再去睇真正GE西湖
夜晚就買明天早上GE火車票出發去蘇州LU

DAY5:
真係開心 因為又有得搭火車
因為我地坐哥架火車始發站係揚州 客量又好少
所以成個車卡都係冇人 好FREE
去到蘇州站 感覺好差 條路好爛
但係蘇州D巴士站超靚 之後遊左一遊市中心商業區
就返返去青年旅舍督波波 ON左三個字LINE

DAY6:
起身執好哂行李之後就出發去拙政園
途中入左蘇州博物館睇嘢
拙政園門票又係太貴 冇入到
隔嚟獅子林門票都係好貴
兩樣嘢加起嚟要成舊水 加上都係普通GE中國園林特色
冇乜嘢睇 所以係門口遊左一陣之後就去食我地今次行程最豐富GE一餐LA
食左未食過GE太湖白魚同埋鱔糊 好滿足
之後就去火車站買票返上海LA
點知乜票都賣哂 連站票都冇 最早返到上海GE一班都要九點
於是焗住要去汽車站坐汽車返去
四點幾搭車 原本個半鐘車程 因為滬寧高速極度塞車GE關係
返到上海已經七點鐘 錯過左校車
好彩校車個阿姨好人 CALL返部車返嚟 企都要企返去學校
返到去諗住踩單車出去食飯 點知
前軚爆左 真係神奇 只係一個星期就爆左軚= =
整左十二蚊 勁貴
呢次旅程咁就完左LU
返到嚟好開心 可以即刻同到好耐冇MSN過GE人MSN 真係好開心

我發覺旅行帶住部單反係件好麻煩GE事
當要搵人幫手影相戈時係件極度麻煩GE事
就算搵到 佢又唔識用 影得唔好= =
今次最特別系中山陵戈度叫左個鬼佬幫我地影相