＊+ Herman’s SPACE．. JuST FEeL YouRSeLF UndER ThE STaRry NigHT

63愛的鼓勵 0訂閱站台

2006/03*11 下午
起程的時候揹左一個大袋(裝衫,褲,水,日常用品的)
仲有平時番學的那個袋(裝溫習d野的)
加多一袋野(裝住個用尼煲湯煲飯ge煲同埋兩隻碟)
跟住同薯仔,蔡鏢,豬利,羅白,瘌痢一齊搭廿五號去..點半搭車兩點去到..
冇遲到..其實都仲有好多人未到
入營哥陣起碼成兩點半
放低哂d行李之後就全部人行去黑沙水庫公園玩野外定向
我地哥組哥d係要搵綠色
保護色..超難搵..其它組哥d色就易搵好多
行左個半鐘頭先搵到四張
行番落尼起點哥度都五點一兩個字lu..
跟住就由我,小雯,maymay,秋天(佢leader要跟住我地)搭車去路環街市買今晚餐餸
六十蚊十個人份量
我去只係負責拎野ga炸
買左:雞蛋,咸蛋,皮蛋,蒜頭,通菜,青瓜,薯仔,紅蘿蔔,香腸,雞翼,芽菜,豆腐,腐乳,可樂
番到去之後我仲要由旅舍托一箱水去營地哥度(燒烤場廁所隔尼)
超級遠..托到我想死
跟住托到去男仔就開始搭爐,起爐
女仔就切餸整野
淨係起個火都起左好耐..仲要起兩個爐TIM
跟住就開始煲飯,煮餸...整左五餸一湯
包括:白飯 腸仔煎蛋 腐乳通菜 炒薯仔蘿蔔腸仔絲 炒青瓜 可樂雞翼 紫菜薯仔蘿蔔蛋花湯
原先仲諗住整釀辣椒,蒸三色蛋..但時間問題都整唔掂lu
跟住評判試食都食左好多餸去..所剩無幾
到我地食都唔係食得好多野..就好似係食得平時晚飯份量ge 1/5 左右..當然唔飽la
食完之後洗煲先辛苦ar..個煲燒到d碳痴實哂係個煲底
跟住搞搞搞搞到十點左右又開始玩遊戲la
哥兩個遊戲麻麻地la..覺得waste time
倒不如一次過玩佢講話因為唔夠時間玩哥個
由全部六十人矇住眼加由一個唔矇眼ge人帶住全部人
個個都要搭膊頭ge係出邊D沙到行一圈仲好仲刺激la..
我地哥組野外定向同埋野炊都係冇嬴到
咁玩完之後番宿舍度食杯麵,沖涼
沖完之後諗住溫陣習先ge..
點知見到羅白個訓教個姿勢超級型..跟住就開始玩佢la
係度周圍拍D超搞野ge片..玩到三點就訓lu
訓之前就猜剪刀石頭布揀床訓..因為五個人分三張床
本身唔太想訓..但無奈聽日又有咁多野要做wor
唔訓就會冇精神去寫語文作文同埋溫習

2006/03*12
8:30被Patrick唔知點開門入尼叫醒左我地
但好似得我一個有D反應比佢
跟住好快又訓番低..究然見到隔尼多左個人係度..
原來係癩痢..= =
跟住起身刷牙洗面汁拾行李之後就落去樓下食早餐
豬仔包夾午餐肉x1,罐頭吞拿魚三文治x1
食完之後坐左陣睇左陣電視就出去哥個分享討論哥度
寫感受卡..每個leader都寫番一張卡比d組員
跟住就唱左四首歌(友共情,十七歲,四葉草2,Today)
跟住就走每人送多一支維他水就走人lu..
要速速趕番去澳門何東小學度報道..因為要義工面試
係搭車途中訓著左兩次
很驚ar..第一次interview..不過係group interview尼ge
而等哥陣就好似露西娜叫你學號出去presentation咁哥種感覺
個leader叫做Leo..係澳門義工最高級哥個人物
自我介紹左一下,討論左邊個人物係最有領導才能,同埋尋日發生哥單淪常慘案
跟住就走得la..
跟住就一齊去左食麵..因為真的很肚餓..食完之後就番屋企lu