出櫃唔怕被歧視　盧凱彤態度夠囂張

盧凱彤早前公開出櫃。

歌手盧凱彤（Ellen）在西九文化區出席多元性別活動，其太太余靜萍、媽媽有到場支持，而何韻詩亦有到場表演，其父母、助手兼緋聞女友方迦南亦有到場支持。同場還有鄭欣宜、林奕匡等人表演，而鄧達智、王賢誌及趙式芝亦與另一半到場支持。

Ellen在台上表演時，唱出《囂張》前，她表示媽媽是基督徒，可能覺得基督徒會歧視她出櫃，而這首歌正代表其態度，她說：「Come Out後同媽咪講『媽咪我Come Out咗你覺得點？正唔正？』」佢就話：「我依家開始晚晚都會為同性戀嘅人祈禱，因為神係愛佢哋」。」而唱到《I only wanna be with you》時，她表示在她和太太在外國結婚時，要求監禮人全程播這首歌。

太太低調唔合照

受訪時不肯與太太合照，Ellen解釋太太是低調的人：「尊重佢，佢唔想上鏡，佢係幕後人，佢知有記者喺度都嚟支持我，已經係好畀面，我都好開心，同埋佢最大嘅支持係畀我出櫃，因為我出櫃大家就會搵到佢啲照片同資料，但佢都同意。」講到她在台上唱出結婚時的歌曲，她解釋此曲在兩人婚禮時行紅地氈時播，剛剛是唱給太太聽，是兩人的定情歌曲，她說：「呢首歌係講我一遇到你就產生化學作用，想成日黐住你，尤其我哋係異地戀，所以對呢首歌特別有感覺。」

唔會要小朋友

講到之前講過媽媽想抱孫，Ellen笑言：「係呀，佢想領養，但我推畀阿哥，我就唔會要小朋友啦。（太太都同意？）佢都同意。」而講到台灣過幾日有同志運動，她表示因忙於工作，故不會前往。