24h購物| | PChome| 登入
2017-09-28 01:03:33| 人氣499| 回應0 | 上一篇 | 下一篇

【有愛就夠】狄娜支持阿女變性。恬妞：為甚麼要區分是女兒還兒子？（2017.09.27）

推薦 0 收藏 0 轉貼0 訂閱站台

＊完整新聞影音請連結：http://hk.apple.nextmedia.com/enews/realtime/20170927/57260126


嚟到二十一世紀，中西文化界線開始開始模糊，喺文化相互影響之下，大家睇嘅世界都唔同咗，女性唔再局限於只能喺屋企做賢妻良母，職業女性亦更受重視；男性可以化妝，女性亦可以作中性打扮。

在這性別界線相較以往冇咁嚴謹嘅世界之下，其實娛樂圈中唔少星二代都喜歡中性打扮，當中甚至有人認為自己男心女身，決定要做變性手術。

狄娜獨女馬天如，十幾歲開始有變性之念，結果在25歲完成心願，變成男兒身。

「奇女子」狄娜，1968年為丈夫馬益彰誕下女兒馬天娜（根據狄娜英文名Tina而改），72年離異。狄娜常說女兒天娜遺傳了其美貌及才智，年幼便被送到瑞士貴族學校讀書，學懂了六國語言，甚至成為富豪第二代的追求對象。不過天娜自小已喜歡作男性打扮，更表示長大後要保護母親。

馬天娜25歲時接受變性手術後，改名馬天如。之前狄娜花了11年時間，跟女兒討論女性的好處，到最後還是尊重她的決定，狄娜說：「若時光倒流，我仍會傾盡全力去勸女兒不要接受變性手術，但她有這份勇氣，我很佩服她。」

一次訪問中，馬天如憶述謂，變性之前，曾與男仔拍拖，因為當時讀女校，個個同學仔都有男朋友，自己都想試下，不過最終佢都係決定做變性手術。馬天如又謂，感謝母親狄娜不止沒有阻止她接受手術，還一直在身邊支持，令馬天如無悔這個決定。

08年，狄娜還親撰《從母到友》一書，細述母女相依為命點滴。當年已屆62歲的她，在自序中感謂大半生為了國家大事，從沒閒暇跟兒子談及兒時點滴：「現在，媽咪有點急了，媽咪的年紀開始老了，還能有多少時間給你講『真實的故事』……於是，拿起筆來給你寫下書的第一頁，不論何年何月，媽咪在與不在，這本書將會陪伴着你。」狄娜於2010年3月31日離世。

講到星二代中鍾情中性打扮嘅仲有恬妞阿女「彤彤」，其實佢幾年前已經已咗名，由原本嘅朱曉彤（彤彤）改為叫做朱宇豐（Spencer），外型亦變得好男性化。之前更傳出Spencer同大陸演員葉青拍拖，不過拍拖冇耐就分手，身為媽咪嘅恬妞，曾經喺訪問講過阿女嘅性取向，佢話：「有過掙扎，但後來想通了，她是我的孩子，為甚麼要區分是女兒還兒子？她愛誰，我就愛誰。」

最後仲有王菲嘅大女竇靖童，喺北京出世嘅竇靖童，自幼就已經好獨立，仲得到父母嘅優良遺傳，喺音樂上好有天份，啱啱出咗專輯，歌曲以英文為主，上年更以《七月與安生》主題曲入圍金馬獎原創電影歌曲獎，更因為形象一向比較中性，竇靖童同大陸女星周冬雨及日本女模水原希子傳過緋聞，不過，上個月竇靖童就喺微博上傳咗一位男子嘅相，令人懷疑佢想公開戀情。


（新聞連結： http://bit.ly/2yEQsB1 ） 


十幾歲開始有變性念頭嘅馬天如喺廿五歲完成心願，變成男兒身。（資料圖片） 佢決定做變性手術同阿媽狄娜講嘅時候，阿媽一啲都唔驚訝。（資料圖片）
恬妞阿女「彤彤」其實幾年前已經已咗名，外型亦變得好男性化。（微博圖片） 身為媽咪嘅恬妞，曾經喺訪問講過阿女嘅性取向。（微博圖片） 竇靖童自幼就已經好獨立，仲得到父母嘅優良遺傳，喺音樂上好有天份。（資料圖片）
因為形象一向比較中性，竇靖童同大陸女星周冬雨及日本女模女原希子傳過緋聞。（資料圖片）

我要檢舉
台長： →☆ 魅格格 ★←

您可能對以下文章有興趣

人氣(499) | 回應(0)| 推薦 (0)| 收藏 (0)| 轉寄
全站分類: 家庭生活(育兒、親子關係、婚姻) | 個人分類: 🗞同志新聞／性別議題🗞 |
此分類下一篇:女性影展大使盧凱彤：傾聽內心、勇敢去愛！（2017.09.26）
此分類上一篇:女同志勝訴！贏得香港居留簽證。（2017.09.25）

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文