自由黨繼續發表反同歪論
將同志書比作召妓指南

■自由黨反對引入描述同性家庭的書籍。互聯網

【本報訊】

自由黨反對同性婚姻大聯盟早前向公共圖書館開火，指其館藏中兩本提及同志家庭的畫冊向下一代「洗腦」，迫使康文署考慮把兩書下架。大聯盟召集人昨日進一步把兩書與「人獸交」及「召妓指南」相提並論，「咁係咪所有書都得呢？例如人獸呀、召妓指南呀，畀啲小朋友都係得嘅呢？」
記者：張嘉雯

大聯盟昨早在社交網站專頁上貼出聲明，指同性婚姻及領導尚未合法，「所以在為12歲以下兒童而設的兒童圖書館，提供有關同性夫婦領養孩子的書籍，這根本就是不合邏輯的事宜」。

■《DADDY, PAPA, and ME》內容講述由兩名男士組成的家庭。

否認歧視同性戀

對於立法會議員陳志全支持兩書，聯盟亦加以抨擊，「引入不同觀點的書籍？那為何不也提供亂倫，人獸戀故事，或召妓指南給12歲以下兒童？」截至周一，康文署共接獲16宗有關該兩書的查詢。
不少留言向陳志全作出人身攻擊，指陳是「臭菊花」、「玩籮柚」。自由黨東區區議員、大聯盟召集人邵家輝則批評傳媒早前冷待5.18愛爸媽遊行，現時又把他們抹黑。邵其後接受本報查詢時，四度強調「我大把friend係同性戀」，呼籲巿民不要歧視同性戀，但又指包容不等於鼓吹，「如果人哋蝦佢，我第一時間走出嚟啦，邊個夠膽恰佢呀，但你叫佢（同性戀）同啲小朋友講（自己性傾向），佢都唔會啦」。

稱憂兒童「轉基」

被問到提及亂倫、多人婚姻的《聖經》，以及講述白雪公主與七個小矮人同居的《雪姑七友》故事書是否同樣應該下架，邵堅稱不能類比，只表示兒童心智不成熟，可能會中途「轉基」，或懷疑自己的性別，「成年人唔會咁易性別混淆，變成同性戀係佢自己選擇，因為佢有足夠嘅知識吖嘛」。
他認為現在要阻止更多人「轉基」，「如果有人講畀我聽，同性戀全部都係天生嘅，我第一個行出嚟支持佢所有嘢，全部人唔可以再出嚟反對佢喇，因為天生㗎嘛，佢天生就係盲㗎喇，你有咩好講呢？」
他表示，自由不是沒有底線，但社會接受兩個同性作家長的概念後，就會演化至人獸交，「呢樣嘢係一步一步，唔係真係無理據㗎喎。」 

＊以上新聞來源：http://hk.apple.nextmedia.com/news/art/20140528/18735100