尋日30號, 晨早去9點20分就去考試,
考完之後就去搵frd食飯,
再去bodycheck,
check完都5點幾至去瑪嘉烈醫院報到聯傷口.
誰不知...醫生話:
你做乜咁遲至入黎, 你應該朝早8點就要入返黎,
我話: 我都唔知....今朝我仲要去考試.
佢話: 咁你要同我講至得, 8點安排晒野同你做手術聯傷口.
我話: 我都唔知要 8點入返黎.
佢話: 你問丫嘛.
我話: 我點知呀.
於是.....醫生安排今日31號朝早8點做再安排做手術.
而我. 30號晚無留係醫院, 出左去同grace, candy, iris, iris’bf同fiora一行人去睇
大吉利是有限公司
故事簡介
《大吉利是有限公司》劇本另闢新猷，是一闕失散已久三兄弟重遇後，試圖修復親情的故事。大佬法蘭（奧雲韋遜 飾）、二佬彼德（艾哲倫保迪 飾）及細佬積克（積遜舒華薩曼 飾）自從於年前摯愛父親的葬禮後，再也沒聯絡過。一年後的今天法蘭率先破冰，並決定安排一趟橫跨印度的火車探險之旅，企圖從中探索自我，借機重拾久違了兄弟情誼。
沿途中法蘭一如以往展現他喜歡支配的「控制狂」個性，他不但負責整段旅程緊密安排，就連用膳時也貼心地替兩位弟弟點菜，二人大吃不消卻無可奈何。同樣地，大家對彼德的古怪行徑，以至積克到處留情的表現也看不過眼──此刻他仨卻擠於同一火車廂內，彼此差距有如火車內浮誇的顏色分岐般明顯，從而鬧出許多荒誕笑話來。
三兄弟還是一條心，貌似不合卻攜帶相同的LV新款行李，路上遇見不平又會拔刀相助，自由活動時間時更不自覺混在一起。三人決定拋棄全數十一件行李，一起躍上下班火車，前往不詳的下一站，展開生活另一章……
------------------------------------------
睇完都唔係幾明, 但係我最鐘意睇其他國家特色既文化電影,
幾有啟發, 幾過癮!
***************************************
到31號. 8點鐘, 電話響起,
[莊生, 8點啦, 你係邊丫? 要做手術架啦, 再遲d既話又要排期架啦]
而我, 當時係張床度,
我二話不說換衫飛的去瑪嘉烈.
8點20分, 抵達報到.
姑娘望望我, 叫我換好手術衫,
在極之臨時既床位等....
等.....
等....
等.....
等到11點, 佢話ok準備做術,
換言之, 我係張床凍足2個幾鐘.....
同樣地, 手術話咁快中午1點做完.
但係要等到下午4點至俾走, 是關要量血壓...
佢一話俾走, 我就極速跑去搭車,
由葵興拎份功課去炮台山.
最後, 就係去南豐2008年周年晚會~~~
同場向身邊人解釋一下,
左腳受傷之謎,
仲要寒喧兩三句.
抽獎時,
就係抽到一盒冬菇,
心諗都可以食, 孝敬老媽.
但有位同事, 講開閒話之陣,
佢話[邊個人諗送冬菇架!!!]
我話, 有乜問題?
佢話[年尾飯請你食鄧冬菇, 喻意[鄧你冬菇]]
聽完, 我至醒起, [係喎]
不過諗諗下, 冬菇幾好丫, 又補, 岩我以家隻腳食~
冬菇~~ i love u~
文章定位：
