尋日放鰦工後,諗住去圖書館借書,行黎行去,左搵右搵,搵到本想睇既書,叫[男人怎能不愛她],諗住可以借返去慢慢睇,點知......搵唔到張圖書証,留左係屋企,真無奈.
冇書睇,咪只好照原訂計劃買open u個本教科書,個間A&P書店,係銅鑼灣,裝修得好靚,但係除左店員之外,一個人都冇,裝修得咁靚,巴鬼咩...
買完之後開始我既自由行旅程.
1) 一開始,就俾我搵到個間傳銷叫人賣香水既公司,以前個朋友 LOFUNG咪俾依間野呃囉,真係......小心小心
2) 之後去到銅鑼灣近住TIME SQUARE既元綠,佢重新裝修,靚左好多,但係同時間我同阿欣既關係都改變左,有一份懷念既感覺.
3) 去到TIME SQUARE,因為萬聖節關係,有D扮妖怪既人係度同人影相,同一時間,我同唔到邊D係妖怪,D人太恐怖啦...D人追住D妖怪黎影相,D妖怪好似見佢地就逃跑,都唔知俾D至係妖怪.
4) 行到有D肚痛,入左去麥記食杯朱古力新地,原來又加左價, 要5個半一杯, 個員工叫我捐錢俾D小朋友, 我就將個5蚊雞俾左佢,換返張貼紙俾我,多謝我喎. 咁我搵個地方坐坐啦, 見到我對面䒷,佢地好溫馨咁一齊食一杯朱古力雪糕,回想當年,我同好似佢地咁, 不地一齊已成往事了.
5) 食完野,去左附近既機舖打SIMPSON 4 PLAYERS 個隻, 超好玩, 打到第7版至死, 好耐都未試過2蚊打成個鐘.
6) 打完個時都4點半, 之後四圍影下, 影左 電車,星街,港島香格里拉大酒店, 香港公園瀑布, 奧運廣場, 匯豐銀行,等等, (有D影左都唔知咩大廈黎...) 好多都係無線拍戲既地方,總算搵到D想去既地方
7)大約6點半,就開始今日最想去既地方----蘭桂坊-----
8)拿位本地圖左搵右搵,係香港碼頭行黎行去都行錯路,係畢打街同雪廠街度不停迷路,不過,不路行,一路覺得對面海既地方,同新界既地方好唔同,名牌多,衣裝新光景靚,的確同我格格不入,我明白到我捭唔到佢上進同安全既感覺俾阿欣,佢離開我係一件好正常既事. 大家都係返工, 我返上水,佢返金鐘,眼既事物都唔同, 分手係理所當然...
9)搵左半個鐘,卒之搵到啦,個度氣氛好好,掛D飾物好靚,好吸引人,不過原來同我想象之中唔係咁大, 真係細得太過份, 一個圈就行晒, 俾無線呃鬼左, D人成日話去邊度左飲過, 攪到好似好大, 原來只係酒吧多... 不過我都影左好多相, 傳說中既1997都搵到啦~~ YEAH
10)離開左蘭桂坊後,都不停繼續影相, 影到好多怪相, 大膽既朋友, 不妨去睇睇
11)行到咁上下,行返去搭船返去尖咀個邊,阿欣唔鐘意搭船,佢話會暈,我俾左兩個2,坐得個10分鐘都冇, 太快了, 想感受多一點既海風都冇...
12)再去海港城,我有我影相,可能D人見我一個人影相,下下叫我幫手影相,一個又咁,兩個又係咁, 如是者, 我幫手影左大約15分鐘至走得= =.....
13)之後行去廟街, 地方企理好多,唔再係四圍都係4仔(雖然仲有),但冇咁多啦.
14)最後去左旺角掃街(食街邊野,唔係真係掃街, 唔好攪錯),點知最出名個間裝修緊,去左D冷行搵野食, 搵到間21蚊,包野飲,幾好味, 估唔到旺角既地方仲搵到咁平咁好味既地方.
15)真係夠晒皮啦,今日全程除左搭船係交通工具,其他既全部都係11號巴士,十分疲倦..
16)最後返歸睇 13兇靈, 正!!!!
~(完)~
文章定位：
