講返尋晚我點解滿手鮮血....
事情係咁既...尋日係月尾,應該係收完管理費下午4:30就開始印10月份繳交管理費通知書俾d居民,自己又衰,唔記得問上手個文員印繳費通知書既print setting係乜,同個step係點....
打返去總公司,打返去總公司,總公司有個computer support & management fee support term既, 頂佢個肺, 個條友求求其其耍我, 話:[你可能係個step唔岩,你試下其他step...]我就唔識,試乜step至得架...佢話:[你應該有隻碟一早download左個10月份既管理費資料,你搵左先啦,應該你係做時,連download個d管理費資料一齊做],咁我就收線,係咁搵隻碟放左係邊,搵搵搵搵.
搵到下午5點,我忍唔住同我阿頭講,話:[不如問返上手毎個文員將隻碟放係邊啦,個時係佢負責做既],阿頭都話:[好啦],咁我打去,佢都聽我電話,我問返佢個隻碟隻係邊,佢條友話:[我未做架,係月尾至做架,咁早做,有乜改我點負責],咁我個時都冇諗咁多,咁拿拿林去download返先啦..
到download完,我就問佢個print setting係乜,佢同我講:[tony,我以家唔得閒喎,我有野做,要收線啦, bye],我連bye都未bye,佢就收左我線,我d心頭火由個心到發出黎!!!!!!!!!!!!
講返轉頭,咁佢咁絕,咁都冇計架,都要繼續試print setting啦,我又打返去總公司問問啦,個條友真係...話[print唔岩位既...一係你攝紙既技巧唔好,一係你揀print既font size唔岩, 再唔得既你要自己扲部電腦同部printer上黎,我地幫你做返setting.]我聽完眼都突, 你冇病丫, 攝紙既技巧唔好?? 個printer得一個攝紙位,有d點唔好!?!? 你話我揀個font size唔岩,都reasonable d丫, 佢條友真係病左線, 月尾要print, 我10月3號扲上去俾佢print, 又電腦,又print, 佢真係病q左...... 收左佢線, 我d心頭火再次發功!!!!!!!!!!!!
好彩我係e間公司識到一位好好既同事,佢叫karen,佢又好人,關於management fee 同setting乜都識,但係總公司既人好睇所謂頭先話我攝紙技巧唔好個位,佢話盡可能都搵佢.... 我明karen既苦衷既,佢教我,會俾個條友話:[做乜唔叫佢搵我教佢丫?!?],karen就會俾人鬧,但係今次....我唔搵佢真係唔得啦...
karen話:[咁既情況,直頭係個print size既事啦,你較返個既print size 850, 550就ok架啦] 咁我同阿頭一齊試, 立刻ok晒!!! 咁我同阿頭極開心啦~~~ 阿頭話:[咁由佢繼續print,咁我走啦],我咪話:[好丫, 你走先啦~~ bye] 咁係依個時候我申起隻手講bye, bye完轉返個頭去個電腦芒度, 無啦啦個仁中位有d流質既野好快由上以下咁流過, 我隻手一點, 血丫!!!!!!!!!!!!!!!!!
***本身我由細到大個鼻膜好薄,今次咁樣,個鼻一掂下就實流鼻血...****
我附近又冇紙巾,用隻手拑一拑個鼻,衝出去廁所啦, 手丫, 衫丫, 鞋丫, 滿是鮮血,連條路都變左條[血路] d同事見到我咁流法, 都話我好q誇張.....佢地要搵返清潔工幫手拖返個地,因為實在太長d血路啦.....
因為今次被我嚇親既人,要幫手清潔既人講聲...唔好意思
文章定位：
