呢排多野做到嘔jor
每日返到屋企都好疲倦
不論身體或精緻都疲憊不堪
體力,心情和時間都缺乏的情況下
已有一段時間沒有寫diary了
不過今日有心話想我寫diary
咁我就突然地好有動力去寫
趁星期日僅有的餘閑寫一寫呢排發生d野啦
今個月開始去虎爪o個間A in A補英文
不過主要原因唔係補英文
（大家應該知道係咩啦）
o個度d paul con.質素好唔掂
即刻唔想再係o個度補
既然冇女"恰",咁就聽下書啦
點知個阿sir又係廢o既
又係拎完note走得o個隻
我仲要仲條粉腸讀錯名
搞到俾成班人笑
真是頂他的！
不過好鐘意佢d性格 － 夠賤
睇黎我已經再冇原因留低繼續補
一於下個月轉去２佬o個度補先
上個再上個星期六
２佬打波俾蚊訓整斷jor隻手指
臨比賽先整斷隻手指咁唔小心
搞到自己出唔到場
咁我地就冇jor個正選喇.....
上星期一學界對st paul co-ed
本來仲驚驚地
因為打少個正選
不過換黎o既係我地可以打三內線屈機
最後炒jor人地十二分
本來上半場個比賽節奏好緊湊
（其實係我地隊波不嬲都上半場虧）
雙方比數相差不遠
我們還一度俾人領先
明顯地，我地聲勢遠遠不及敵隊
人地班A grade 勁齊心同勁有氣勢咁同Ｂ grade打氣
我地班A grade 就走晒去換衫,理會晒我地
co-edu仲要賤到用埋"美人計",叫jor廿幾條女黎做啦啦隊
咁我地班A grade 就走晒去"恰"女
完全無晒嗲－_－"
咁我地就分晒心，冇晒mood打
我要去告co-edu利用女學生色誘其他學校男生呀～！
不過,好彩我不嬲都唔戴眼鏡打波
所以佢地條"美人計"影響唔到我
照打可也
咁話說呢
佢地個隊長唔知幾多號
好似好型好容易咁剷jor兩球籃
人地班Ｂ grade又拍晒手掌,喊晒好波
班co-edu女又係度尖叫
條友就以為自己好英咁
最緊要係佢眼bei bei咁個樣串到爆
以為ｄ女會向佢投愛慕o既目光
由佢個樣我可以睇得出：佢覺得自己帥得很！
我o個時真係勁想一搥車過去
早知有女黎睇我之前就唔剪頭髮啦
但我係完全唔知點解高佬可以俾佢輕而易舉咁剷入黎
總之我係俾佢o個兩球剷籃谷到成肚氣
之後下半場我就同高佬調jor位打
我由大前鋒轉jor打中鋒
跟住我就等機會
等機會串爆o個條友
果然,條友又剷入黎
哈哈,我都等得呢個chance耐喇
一野block爆jor佢
仲要block得勁大力勁大聲o個隻
以洩我心頭之恨！
仲有,對面個教練同個鬼佬懶有惡咁
勁黑人憎
想串佢地好耐
激到我把火,註定你冇運行
block完之後即刻有time out
終於頂唔順道氣,個心勁虹
彈jor兩個字出黎串人
（大家唔好誤會，唔係粗口黎）
之後梗係俾梁sir鬧啦
跟住成棚人就開始玩野喇
之後我就因為呢兩個字俾人潤jor Ｎ日
跟全唔知係咪我o個兩個字o既咆哮
成team士氣急速上急
人地就唔知係咪俾我嚇到傻jor
開始淆晒底,成班人"謝"晒
完全唔敢剷入黎（特別o個條粉腸）
我地就敵退我進
完全發揮三內線實力屈機
高佬ｄ狀態又返晒黎
我又block人block到勁high
對方由最後一節開始內線都冇得分
可惜蚊訓唔係度
否則學界最強內線就出現了
總結我今場比賽成績：
負負碌碌攞jor１２分
發晒顛咁有８個block shot
奇蹟地有兩個assist
（有一球玩空中sky pass 俾高佬,勁靚ar）
拿手好戲,搶jor Ｎ個籃板
咁我又做jor MVP喇～Ｙeah～
星期三A.maths. test
終於見識到老溫撕卷o既驚嚇程度
慶幸地我係少數生還者之一
幸好我平時都有做下數
否則一定死得慘烈
好似阿水咁壯士一去不復返矣
老溫依家仲要教晒Maths同A.maths
冇晒嗲
從來未見過d人可以教書教得咁快
但d學生又聽得明喎（其實係唔敢聽唔明）
吹佢唔漲
依家好鐘意上老溫堂（雖則次次上完都虛脫）
因為隨時會俾佢ｄ金句整到笑死
例如：
你去厠所做功課呀？d功課熔jor?
你咁鬼蠢我送你去大口環間弱能中心啦
o個度有埋姐姐餵你食飯架
條數唔係咁計架
你用d快方法啦
你依家即係攞導彈打蚊
我識睇相架
你目光遊離,兩目無神,印堂發黑,頭髮遮住額頭
你上半年一定冇運行
你快d去剪頭髮
否則拎你去祭旗
同一個錯誤
犯一次o既係正常人
犯兩次o既係庸人
犯三次o既係賤人
犯四次o既係賤人中o既賤人
再犯o既就拎得去人道毀滅
笑到死,但你又要忍住唔準笑喎
o個下先死囉
依家老溫簡直係我地４Ｙo既偶像
華仁o既神話！
講真o個句
如果俾老溫教你maths同A.maths
你呢兩科會考攞唔到A就真係低你死
你會feel到自已會幾節墮
上星期五去school pinic
勁鬼扼錢
早知同吳sir提議跟Ｈ,Ｋ班去石澳啦
今日又呢係屋企煲老溫本MATHS ＭＣ solution
又煲到腦都爆咁滯
下畫同purple exchange songs
多謝微妹好歌,thx
聽日打debate
預jor俾人炒
打唔打都罷
不過好似早放喎
yeah~上少一堂老溫
星期三對Ｉsland
又勁淆喇我
患上了賽前恐懼症
超驚輸囉～
跟住星期四又要對張振興
又要諗定俾人炒幾多
大家姐終於返jor黎
睇佢個死樣春光滿面,紅粉緋緋咁
一睇就知佢係英國界jor唔少女啦
最後我要同阿某某講
我唔出聲唔代表我扮cool
我唔笑唔代表我唔鐘意笑
我自然流露o既舉止唔代表我扮型
你話o既我係唔代表我就係
又理會
o岩o岩醒起
Ｂazaar Ｃaritas就到喇
１１月１０號呀
身為gift manager o既我係勁多野未搞掂
d ｇift仲未點算
workers又未搵
連gift都未諗好點搬
唉,正式宣佈死亡了
不過,還是在這裡登一登廣告先
明愛賣物會張於１１月１０號
假香港灣仔軒尼詩度修頓球場舉行
到時張有多個遊戲攤位及禮物攤位
介時請各方朋友踴躍參與
我們當天所賺得的善金
在扣除一切成本後
將全數撥入明愛慈善基金作社會福利用途
請大家共創善舉,多多益善,少少無拘
p.s.：特別請大家光顧香港華仁書院的攤位
各位捐出的一分一毫
本人都會向各位致以萬二分感激
本人當天會在香港華仁書院的禮物攤位長期註札
如果各位想問我攞下簽名影下相o既就黎幫襯啦
You are welcome～
各位兄弟姊妹記住黎呀
帶埋多d fd黎仲好
為什麼只和你能聊一整夜 為什麼才道別就又想再見面
在朋友裡面 就數你最特別 總讓我覺得很親很貼
為什麼你在意誰陪我逛街 為什麼你擔心誰對我放電
你說你對我 比別人多一些 卻又不說是多哪一些
S.H.E.的戀人未滿
正姑微妹所說
好歌也~
文章定位：
