尋晚有個同學因為搵唔番佢前兩日辛苦左好耐
嘔心瀝血寫既history essay
好煩咁向我大吐苦水
本黎我既心情已經唔係咁好架喇
唔知點解
一番到屋企就好似覺得真真正正做番我自己咁
唔駛再披著面具笑對世人
感覺真係好舒服
不過佢既一席話又搞到我mud心情都冇晒
好似成個廢人咁訓左係張床度
全唔知自己呢一刻想做d mud野
亦唔知自己需要乜mud
仍然係一隻斷jor線o既風箏
始終搵唔到好既主人
仍然係天空中毫無意識咁飄
「粗獷」呢個詞對我黎講實在太熟喇
一講到呢兩個字
好多同我熟既人又或者我既同學都會不約而同咁諗起我
冇錯～我真係好鍾意呢個詞語
甚至想將佢變成自己獨有既性格
到而家
我真係成功咁將佢據為己有
但係佢係我心目中既意思同別人所理解既根本就係兩回事
我腦裏既解釋係「不拘小節」
可以做到一個大男人咁，做野坦直一ｄ
唔會好似其他人咁見人講人話，見鬼講話
但竟然有人雖誤解jor叫「粗魯」囉
冇晒嗲囉
尋日放學練完波約jor班粉人打jor陣街場
俾大西鋤左一野
雖然好痛
不過我仲係要多謝佢
o個一拳打中左我個氣門
害到我要不停呼氣
足足抖左十幾廿分鐘大氣
除左痛之外，反而覺得舒服左
條氣都順埋
可能近排積既氣太多啦
一次過俾大西打出黎，乜都爽晒～
同時我亦諗掂左
既然我以前咁做都係俾人咁講既話
我都黎個變本加厲
唔理人地既生死
人地對我唔客氣
我亦冇須對佢恭敬
就做一個真正既「粗獷野漢」俾佢地見識下
邊個再係我面前咁多嗲
我就黎個孫悟空大鬧天宮
實行「人不犯我，我不犯人，人若犯我，我十倍奉還」！
各位兄弟姐妹
以後有D咩野
請你地唔好再推我出去喇
俾條生路黎行下
我而家好想靜下......
文章定位：
