唉...今日好灰......
人灰打波都得別虧
我份maths超低分......
成日以為自己d數好鬼勁
成日以為自己唔駛溫都搞得掂
成日以為自己真係"唔溫書都識考試"
點知成題long question炒晒
做咗咁多年past paper
M.C.咪又係錯成四題
勁...勁條毛咩....
仲諗住考完幫人補maths.
咁低分仲去懶係勁咁教人,憑d咩?
我呢d咪叫不知廉恥囉
今日成日都係心入面嗌自己收皮
連阿麟都高分過我,印象中好似係第一次
我唔係話妒忌或者唔妥
不過連我個好兄弟都識發奮
我呢d平時懶係野咁依家都仲hea hea下唔識死
完全知道咩叫"慚愧"囉
諗真下,依家真係好墮落囉
日日等阿媽出咗街就打機
書就日日揭下就算
仲有三個星期
我仲好似渡緊假咁
阿媽講得啱
人地個個係成個時候都死溫爛溫
我就好似日日都好得閒
依家好想搵個人罵下自己
記得form5開學o個陣定咗好多目標講咗好多理想
依家咪又係變咗rubbish
成日話人點點點冇希望睇死人
點知自己先係最絕望o個個
君子恥其言而過其行
自己根本是無恥之徒
以前都唔會搵自己同人比
今年就經常搵人黎比
係搵d廢柴黎比
成日同自己講"我已經算好好架啦"
冇晒d鬥心,自甘墮落,節墮
唯一可幸o既係我仲識咩叫"知恥近乎勇"
今日開始我要閉關
唔開電腦唔打機唔傾電話唔玩sms唔睇電視唔去街唔去玩
每日7點半起身夜晚2點訓
人地得點解我唔得?
成日都覺得自己叻過佢地
我就要證明俾人睇
我唔可以再墮落
我唔可以再令人失望
我仲要幫我阿雪同女兒補maths.呀
希望今次講o既唔會再係垃圾
係一定唔會!!!
好,依家mung線!
文章定位：
