今日又派卷
成績係同預計一樣,又炒粉
不過今日成日都係好開心架喇
一d冇俾d分影響到我o既心情
咁順便講下點解啦
尋晚睇電視
睇「天下無敵」
想睇好耐架喇
之前睇完製作特輯就勁想睇
不過之前因有段時間為某d原因冇得睇電視（唔係壞電視）
搞到我miss鬼晒囉～＞~＜～
可恨也～
不過尋晚我有得睇大結局喎
聽主角講jor一句「看破，放下，自在，隨緣」,如綸音貫耳
呢個道理我記得中二o個陣已經領悟到
可笑o既係多jor兩年光景
我竟然唔將以前o既野忘記得一乾二淨
竟然俗得去執著一d無謂野
依家o既我竟然連form2 o既我都不如
哈哈哈,看來呢兩年我進步不見得有半點
倒退卻一大截了
堂堂廖寶錩竟然變得如此低俗
我也不禁鄙視起自己來（笑^^.......）
點都好,睇黎我仲未參破世情
要繼續好好努力
話說回來,我到今日先知我上三堂走得
1st recess就同李永佢地成班人閃jor
一字之曰：爽～
而我途中係慘被屈機,行勁多冤枉路
落到天橋先知冇攞波
又要閃返上去.....=_=頂～
都仲未計k.e.
齋p.e.個mgh都整死我
上到去仲要幫梁sir拎多個波
烈日當空由學校徒步到港灣道
成個人lon晒囉
我終於切身體會到"乾蒸"一詞的真正意思
當我行到去港灣道個場已經腳軟虛脫（仲要冇食早餐=_=）
使我又對「出師未捷身先死」這彥語有更深一層領會
經此一役,語文能力焉有不大增乎？
（所以各位語文老師應鼓勵同學身體力行去學習詞語
教的開心,學的落力,事半功倍,大家笑呵呵～）
好快咁就比完賽喇
全場所有後備都冇出過場
當梁ｓｉｒ叫我準備o個陣我係心驚膽跳淆晒底
不停咁同呂明講"唔好呀～唔好出我呀～"
你要明白班A grade打到咁鬼死緊
咁我又feel到場波好似好重要
咁我陣間出到場連累輸波就唔好啦
冇計啦,有陰影
兼我又超級唔穩定
好o個日就話
唔好o個日又呆滯
呢d話唔埋的嘛
所以落場呢d可免則免
好彩最尾都冇出到我姐～
跟住因為成班人都冇打過波o既關係
害怕精力過盛慾火焚身自燃
所以決定落修頓打波發洩多餘的精力
點知果真求仁得仁精盡人亡差點兒曝屍街場
在三十唔知幾度高溫連帶著太陽伯伯的死亡射線之下打籃球
尤如自囚在微波爐裡享受著比日光浴更易有皮膚癌的mircowave 浴
18分鐘後叮一聲又是一條色香味俱全的好漢
好彩多虧我平時有練開9陽神功
d heat capacity 異於常人,可以收heat energy為己用
點知有入冇出五內如焚五孔流血口濆白泡
最後要自灌兩公升水先保住半條人命
幸好7仔2.5公升裝的礦泉水有特價
兩支只雖盛惠13.5元正（原價一樽要十元的喔～）
終於有d認同羅娜所說
「做完運動喝水,乃人生最容易得到的幸福也！」
的確,水是清甜的
不是口喝產生的錯覺
而是我買的是十元一支有加料的礦泉水（十元喔～上等貨來的）
飲飲下水望下個天空
忽有種天地遙遙之感
其實夏天係籃球場上渡過也蠻不錯
燃燒青春,澆下珍貴的汗水
總也無悔一個暑假,總算對得住自己
兄弟姊妹們啊～
你們看到太陽的熱情嗎？
感覺到夏天的魅力嗎？
難道你想甘心屈於家中發呆生蜘蛛網？
那你快一起感受這誘人的激情吧！
（大熱天時望見個太陽都唔想出街啦
小dee dee,你冇野雅?
食錯藥睇醫生喎）
之後同呂明金毛去補英文
悶到想嘔
我係全程對住前面條格仔裙呆滯
可惜唔係靚女,唉........
--------------------------------------------------------------------------------------------
閃耀的眼睛
為何瞳孔仍是那麼空虛？？
亦盡如此.....................
文章定位：
