前晚少有咁睇jor一粒鐘電視
飲水o個陣睇到電視播緊鏗鏘集
講鮮魚行小學
記得我上年都睇過鏗鏘集講佢
所以咪坐低睇下囉
點知越睇越激氣
政府所作所為簡直不知所謂,令人髮指
整咩"特別視學"出黎欺騙大眾
其實只一種達到更順利"殺校"o既手段
結果一早屈jor出黎
視學只係一種暪天過海o既手段
等到時公報個視學報告
就可以順理成章,堂而皇之執jor間學校
呢d簡直係狗o既行為,卑鄙無恥下流
依家仲絕到延遲公報結果
搞到間學校逼於無奈要自資收生
試問一間學校
有一個日日企係學校校口等學生返學o既校長
有一班為應付視學緊張到唔識笑o既老師
呢間學校咁都唔算一間好學校?
如果係好學校,mud仲有理由笠jor佢咩?
無故屈死間好學校,天理何在?
香港政府簡直垃圾！
次次責問d高官
班高官都擺出同一副無奈的表情
說甚麼"財赤嚴重,無可奈何"
簡直想一拳窩過去打到佢變肉餅
雖然我都知財赤
但向社會最基層教育開刀
班決策人對得住天地良心咩？
縮減財赤之嘛
叫你地班高官個個月減幾萬蚊人工都慳唔少啦
又話同市民共渡時艱
點知次次被要求縮減人工都話影響士氣
左推右推之後暪混過關
唔死都冇用
有讀過曹劌論戰o既都知道
民心依歸先係致勝之道
孟子o既論四端都講過
以不忍人之心,行不忍人之政,治天下可運之掌上
依家香港政府就背道而馳,施不仁之政
弄得民心叛離
呢d就係點解經濟好o個陣個個冇聲出
但係經濟唔好o個陣就怨聲四起
因為根本冇人肯支持個政府
唉,越講越火
唔打喇！
文章定位：
