今日終於考完試
終於可能言正言順講下廢話
詩興起,又係時間吟吟詩應應景～
功課測驗何時了？慘事知多少
小弟昨夜又挨夜，通宵達旦還是交白卷
訓導老師應常在，黑面永不改
問君肉臉幾多油？大好青春還是向東流～
雖則話就考試
不過今次一d考試feel都冇
日日考完試就返屋企打下機
下晝就訓下晏訓
夜晚先再拎本書出黎揭兩揭
之後又icq打機度點幾兩點先訓(虧阿媽仲以為我挑燈夜讀)
超有渡假feel
平時都話有老溫d數折磨下
呢兩個禮拜真係梳乎到爆
考jor十年試最輕鬆都係每次
但我係完全唔知點解今次會連一d考試壓力都feel唔到
唔通呢d就係所謂o既會考前虛像???
定係自信源於實力
我已經對自己有信心到出半力就足夠應付考試?
不過答案對我唔重要
講下考試d野先:
考試其間我係肥jor勁多
當仲係winter time o個陣我先百七磅
依家成百八幾囉
肥jor成十幾磅
勁低能,unbelievable & unacceptable
返屋企食lunch同唔食lunch個分別果然好大
我亦都不能不配服阿媽湯水之足
兩日一糖水
三日一煲湯
順利係短短考試o個兩個禮拜谷到我肥肥白白
佢仲要話我瘦囉,咩道理？！
唔得喇
呢個暑假要減肥修身keep fit直落
大家快d約我打波啦
其他運動都得
總之要出下汗(行街免問)
睇黎趁會考之前仲有個假玩下
都要燃燒下青春,順便燒下脂（又break & burn）
上個星期打波
原來我d彈跳力夠入樽有餘
雙手挫樽都仲得
係自己勁白痴用單手先唔得
等我p.e堂練下先
地獄籃板王畢業
我已經繼承jor佢個位
新一代籃板王就係我喇,yeah~
控制籃板就可以控制比賽
睇住我同高佬點係學界屈機籃板啦
文康盃又黎喇
我唔望入到8強
唯一心願就係可以撞到嶺南俾我一雪前恥
頂頂頂～超seven呀o個場,不在狀態
我要嶺南班粉見識下咩叫最強內線防守
哼哼哼～
考試前兩個月悟到招"極限防守"
可以成功大幅減低對方入球率
連帶block shot同steal都比以前多jor
不過存在三個好大o既弱點
第一係只可以只適用於短程
第二係耗力甚巨,只可以last for 十幾分鐘
第三,對高佬and肥佬完全冇用=_="
基本上三個都同使用者體格有關
等我趁暑假改良下先
暑假後目標：擊敗子龍！
又發下牢騷先
記得考試之前ck講過一個問題
"點解要讀書??"
其實一早有個model answer,答黎都晒氣
不過,model answer還model answer
究竟有幾多個有自己o既答案呢？？？
我o既答案係書中自有黃金屋
我讀書極其量係因為可以名正言順大條道理攤大手掌問阿媽攞錢
(拿～呢d就叫不孝喇.不過我仲係唔知點解佢又會肯俾喎)
不過,呢個理由不足以令我博晒命咁讀書
所以我不嬲點到即止,達到阿媽要求o既所謂o既十名內就算
不過我諗極都唔明點解d人讀書讀到咁辛苦都仲讀
如果為榮耀,為興趣,fine,冇野講
但若果係著那個自己都唔知o岩定錯的model answer而讀書
咁又何苦???
要知青春易逝
終日埋首書堆虛度青春實在愚不可及
當我p.e堂見到成班書呆子縮瑟一角做課題練習
我係好好好鄙視佢地
都唔知佢地為mud
睇見都唔開胃
我見到好太陽就已經唔想留係室內
佢地就仿佛同書本六神合一
但又唔見佢地成績勁得去邊喎
讀聖賢書所謂何事？
閱其文而不知其理,死讀書也
不知其理而背其文,下下之也
聰明人講efficency
只有愚人先咪實本書唔放
雖然我次次都係臨急抱佛腳
但係奈何我次次都考得好過佢地,吹咩?
呢d就叫效率喇～
最後講一個好消息
天航終於肯出佢本"3 pt. shooter 3"喇
書名叫"天空翅膀",好氣勢
今個月30號出呀,唔買真係砍個頭落黎俾你當櫈坐
記得我同阿麟form2 o個陴睇3 pt. shooter 1&2睇到走火入魔
佢要jor"卸影四絕",我就學"龍璇轉"
不過大家都係得個講字
我仲要打打下連style都變埋
重進攻變jor重防守
睇黎我都要練下招"太極三星手"喇
唔知今次又有咩新招呢？？
--------------------------------------------------------------------------------------------------------------
誰人在敲我的門?
不要再來了
我疲憊的臥在牀上
已經沒有力氣再期待
鑰匙早己丟了
這是一個是非之地
非請勿進
九百日的齋戒...
不經不覺過了七百日
你想進來的話
二百日後...
門或者會為你而開
文章定位：
