今日真係黑過墨斗
今朝送細佬去同同學屋企做project
去到杏花村咁遠囉
差柴灣一個站咋
ok,fine
出街當運動下都冇所謂啦
兼我都要盡下做阿哥o既責任 ＜轉死性......
去到杏花村啦,咁出閘去搵棟樓
咁等我好努力咁係杏花村入面睇緊第幾座o個陣
其實我都係跟住佢行
因為我都唔知佢同學屋企係邊
行行下,突然feel到好大粒水點滴jor落塊面
咁我咪抬高頭睇下邊家人個冷氣機滴水咁無良啦
可讓我向佢致以最敬重o既問侯o個陣
一抬高頭又成大滴水飛入隻右眼
即係"頂"jor聲囉
（自從上次打火鍋之後就對呢樣野有陰影＝_＝
如有失禮之處請多多見諒.....）
之後再有幾滴水滴落黎我先發覺落雨囉
跟住我見係一兩滴雨就理會jor
繼續同細佬繼續搵佢o既唔知第幾座啦
點知越黎越大
咁我梗係搵地方避雨啦
我同細佬就跑返去o岩o岩行過o個間老麥
跟住不幸o既時發生
我跑個馬路o個陣
天雨路滑,腳下一滑
成個人向後仆到正一正囉
條腰痛到咩咁囉
一大朝早眾目睽睽係條街度pk
懦到咩咁囉
成身濕jor一半
main pt.係我隻腳尋日打波已經挍柴架啦
今日再煽多野
隻腳唔駛要都得
o個陣我已經確定下晝唔可以返學練波
我個pk細路仲係度笑囉
果然係兄弟,有晒我d characteristic
之後死去老麥一邊食我o既mc whirl一邊hea
順便鬆一鬆隻腳,不過一坐低條腰斷咁滯
咁為jor唔好再漫無目的咁搵
我叫佢打俾佢個同學等我幫佢搵
咁我聽啦,原來我細佬聽漏個字
佢同學係住杏花新村，唔係杏花村
即係地鐵站上蓋
p佢個k囉,即刻無奈晒
等我仲成個傻仔咁陪佢周圍搵
仲要朝早流流ｐｋ囉
頂頂頂～
咁我好快咁送jor我細佬上去
原來地鐵站出口轉左就係囉
之後拿拿臨走人
咁我落到地鐵站門口
有個中年婦人拖住個細路女叫我買旗
咁我見我好似成半年冇買過旗
兼個細路女又幾得意（我個sailor venus呀～）
咁我咪諗住日行一善施捨一蚊咁大把囉
跟住我伸隻手入褲袋摷ｄ碎銀出黎啦
之後我發覺我得返個十蚊銀
個細路女見我神色有異
立即以迅雷不及掩耳o既速度貼咗張旗過黎
呢招果然好絕
我冇理由依家同佢講話冇碎銀
咁我唯有依依不捨地向錢袋投入我那摯愛的十元硬幣
當十元硬幣離開我手指的一刻
剎那間仿彿天昏地暗（落雨天色梗係咁架啦）
隨錢袋的起伏看著硬幣緩緩落下
整顆心心如刀割（我個十蚊呀～唔好離開我呀～）
跟著硬幣跌到錢袋底部
和其他錢幣相撞發出"叮"沉悶的一聲
這"叮"的一聲,仿彿像勾魂使發出的安魂鐺聲
快速把我的靈魂勾走,抽乾
懸浮在半空的心,一下了跌進谷底,墮下,粉碎.....（嗚嗚嗚....）
"哥哥,多謝你～"突如其來聽到一把天真無邪的聲音
眼前一個純真的小女孩開心的笑著
她身旁的母親正和藹地笑著自己的女兒
"妹妹乖～"此情此境,我唯有輕撫女孩的秀髮
慘笑地吐出這三個字....
然後模仿著武俠小說的世外高人般
輕輕揮一揮衣袖,轉身瀟灑地離去
在地鐵車箱內繼續為我o個十蚊默哀
告別了,我的十元硬幣....
不過算啦,見個細路女咁乖,咪當豪俾佢請佢食糖囉
咁樣諗使我冇咁心痛
之後返灣仔hair cut
冇心情,叫條友求其幫我剪下
點知佢又真係求其幫我剪jor咗個7 head出黎
不過算,次次剪都係咁,預jor
又理會
屋企整toilet勁嘈唔想返
跟住上人地屋企玩
點知佢屋企冇人喎
又拆人竇喇我,呵呵
用jor人地部腦極速on jor唔夠一分鐘icq
又懶得回d msg,理會晒
因為我家陣閉關（遲d先同大家講閉關d野啦）
同大家講聲sorry先下
之後三點約jor２佬係集成
又遲到半粒鐘
皆因我要仆返屋企攞本神兵俾２佬
兼隻腳挍柴嚴重影響我速度
跟住ｈｅａ到４點半就去jor補a.maths
呆呆下又放喇
跟住同２佬夾返錢俾細佬啦
點知ｄ人又唔夾喎
我地見你冇錢先夾返錢俾你
好心你就要jor佢啦
我係過來人,冇錢唔應該扮豪氣架
本來我好快咁suck jor張一百蚊去佢度閃得人
點知２佬又手腳慢失敗jor
搞到之後一連串o既慘事
咁我見２佬仲同細佬糾纏
咪諗住快快手幫２佬搞掂埋佢囉
咁ｄ人又理會我地
仲行到鬼咁快
你知啦
當時月黑風高,行雷閃電,滂沱大雨
我同２佬又帶遮
我隻腳仲要挍柴
淋住雨咁囉
以前淋雨我會覺得自己好型好英好man好enjoy
我記得以前小學淋完雨係條街奔馳
個feel好正好正
但係今日我卻覺得完全係另一會事
今日我終於feel到咩叫落湯雞
雖然都同樣係淋雨
但係今日我係跟住兩個女仔
仲要係俾人理會
我o個一刻突然覺得自己做緊一件我一直好鄙視o既事
即係個人地唔理你你仲要不知廉恥咁跟住人
做一隻跟尾狗
仲要整到自己好可憐好委屈咁
係o個一刻我好睇唔起自己,完全不知所謂
都唔知為mud囉
之後我地兩個成個傻仔咁跟到落cbw
搶jor細佬件外套,suck jor兩舊水入去就搞掂
之後搵機會車番件jacket俾佢
犬美搵到我地諗住俾返件野我地
不過我地理會jor
雖然我覺得有d不負責任
不過細佬唔會難為犬美
真係糾纏jor好耐囉
唔想煩
之後行返屋企
點知行到堅企樓下又pk囉
死咁滯,好黑仔
今晚二公二婆婆同大姨黎食飯
食完飯大姨呢jor入黎我間房避難
我隱約聽到出面係好似傾緊幫大姨搵婆家
仲要我阿媽做媒人囉
我不禁笑了笑,mud依家仲興呢味野架咩？
不過算啦，我隱隱覺得大姨已經像早d嫁
從佢眼神睇到佢個心已經好淡.....
個人而言,我都想大姨嫁得好d
不過都要佢自己鐘意先得嘛
如我就算天資聰敏 還有沒有用
連你做錯都可想到全部你的苦衷
而我大概真的聰敏如你不夠好
還會代你遮掩繼續鼓舞
欣賞我吧 原諒你原諒到自豪
我太好難隨便憤怒
明白你明白到 怪責我不好
依家係凌晨一點二十三分
體溫高達103度（仲高過沸水？）
大家唔好誤會，我指華氏103度
有少少感冒
條腰仲有少少痛
隻腳已經報銷
突然覺得自己好冇用
以前淋成幾粒鐘雨都生龍活虎
今日淋兩滴都死死下
就死,抖抖先.......
打完diary,點知sever又down jor
好黑呀＝_＝"
文章定位：
