話說今個星期六係學校一年一度o既athletic meet o既heat day
咁o岩我又係咁幸運/不幸地
俾老溫篤鬼jor去個咩Mathemathics Olympiad
兩樣野撞到應一應
都唔知話好彩定唔好彩好？
好彩o既
咪係有我攞excuse
唔駛好似往年咁係個看台度坐
成班傻仔係度吹水無聊
雖然明知低能
可惜還是每年都無奈地重複這等低能行為
但係今次就名正言順,仲有老師批准之下缺席
試想想,時值深冬,天寒地凍
當校內各同窗正在看台上吃著西北風
吾卻在位於某某學校的比賽場地內舒適地坐著
周圍望下其他學校d女仔,睇下有冇靚女
諗起都爽死
唔好彩o既
咪係俾人推jor去送死囉
都唔明點解老溫會搵我去都唔搵衛知囉
衛知d數咁屈機就話有貢獻姐
我呢d數學九流o既叫我去獻世咩？
難道又是樣子的問題？（雖則我都知我靚仔......）
我依家係幻想緊到時自己對份卷呆晒o既樣會係點
唉,我睇我去到都係坐係度望下女仔算
可能人地會唔明點解華仁會派d咁o既廢柴出黎獻世
我都預jor去到俾人侮辱&歧視架喇
天灰灰兮～
不過我還是prefer去比賽的
天寒地凍仲要係看台吃西北風
仲要無聊地hea幾粒鍾
黎多幾次真係死俾佢睇
兼我heat day o個日咁o岩冇比賽
我參加o個d都係晒final o個日
所以損失不大
但有呢,o個晚又有人叫我去玩
搞到d時間勁密
朝早7:45－11:45＞Mathemathics Olympiad
之後搵人食lunch &陪人行街（又just陪行囉）
跟住3:30－5:30去永上補a.maths
如果直落o既話
分分鐘可能連衫都冇時間換
件校服由朝早著到夜晚
現在考慮去唔去好
因為去的話會趕到死咁滯
不過我點都要攞返張學生證
否則死俾你睇！
但係,又有一個好大o既原因令到我唔想去......
呢個原因已經成為我o既致命弱點.......
文章定位：
