如果睇呢篇的朋友，請用心細看！不要怕它長，因為是個幾好的故事！
今次無乜特別的交代 ......
就算有人黎到睇，都唔方多，就盡情發洩心裡感概吧
當我強調自己係愛完一個先到另一個o既人，同時強調自己專一唔花心，其實我早早已經...........
重新整理我感情史
小五~中一：陳小姐
中二~中三：TB
中三整個學期，一個可謂「過渡」、「冷卻」的時期，結果追過「阿談」同「Wong E」
中四開學初：都係TB 最好 ...... 但呢次鬧大交了
中四學期中：我覺得呢個一直係我身邊，其實應該可以去珍惜的，但佢唔願行
中五會考後：由十二月開始由「好感」累積起到「喜歡」，黃小姐
自從黃小姐都reject埋我，我真係已經覺得係呢個戀愛世界中佔不了一席位，就連想叨下小小光都唔可以。回顧番我感情史，我真係會笑，係取笑自己，大高估自己啦 ~ 當一個男仔以為真係有純戀愛(不講身份、不講高度、不講成熟程度)，我以為總有機會一試，不行便分開，就是這麼簡單！可是......這情景應該是電視中才會有。
小學生，我雖然呆等，由於我當時真係覺得有純戀愛，所以唔識去用Level去睇，而家大個睇番，小學果陣唔夠level，高攀唔起陳小姐......
TB 呢個人真係......其實做朋友可能已經係唔知上一世累積左幾多褔氣，我直到目前為止，綜合各樣，我可以覺得佢係完美！佢比其他女仔好，甚至比劉亦菲更加好。我都應該要感謝佢reject我，等我見識到我o既實力
話說reject完，我同朋友鬧大交，其實個人真係跌落谷底，好頹廢。但果陣就係因為我要證明俾TB睇，我矮，但我絕對係真心對佢好 ...... 我o既鬥志原來未完全滅絕，果年中至年尾，我要做到成績俾人睇，特別做俾佢睇。剛好龍獅隊重新參加全港公開賽，我就年中開始，早上上學，夜晚練舞獅.....有時一時許才歸家，翌日早上六時許就起床，我唔會氣餒，唔會問為邊個，值得嗎呢d問題，因為我心裡面有一個目標，就係為左TB，可以不惜一切 .......
我只係一個低微的位置，但我卻努力去做，幾乎每個練習都有我份，一個微不足道的我，卻完全投入，十分幹勁去做，因為我要證明為左TB，我可以超越自己。回想起來，我不知何時才能再有那種衝勁！結果，比賽中因為新仔，我再努力，隊友失誤，整隊都失敗，我所有心血付諸流水 ...... 當初所有努力係為左證明俾 ....... 包大尾，證明乜鬼？我唔會怪我d隊友，無人想咁樣，只係101%付出，回報係0%。結果我無同佢講過任何為佢努力o既野，因為冷戰緊
原來升中三仲發憤緊，比賽衰左，就迷失自己，有一個新的圈子，卻開始胡亂起來，玩得埋就......唔會問係咪真心鐘意，可唔可以為佢付出到咁多......
廢話少講，無論神秘人同黃小姐，我都只能付出100%真心，唯獨是TB，可以使我發揮出無限的真心來對待，不過 ...... 同佢係唔可以談得上戀愛二字，正如我所講，做朋友已經係幾生修到！我好希望佢可以知道我鐘意佢之餘，都唔好介意 .......
我都唔知講乜廢話好 ....... 總之，我的人生活了二十年，TB仍然是最完美的一位，我有時會發夢，當初跟她一起會怎麼樣？會像我家姐現在幸褔？還是吵吵罵罵？又或者大家都好清楚自己做乜，好成熟咁？但咁又點，都係發夢，有時發發下可能喊起黎.....都係一、兩滴
最近，完結左中學生活，我Feel到我前排好空虛。終於俾我發現，有d野無論你得到或得唔到，總之你想，你就去愛，盡量去珍惜.....我發現幾乎放棄馬，不過而家我決定一定要與馬工作，與馬生活。
感情方面，我真係要承認TB係有史以黎我.......唔知點講，總之對佢有好感果一刻，演變到「喜歡」、「鐘意」、「愛」，或者昇華到而家呢個唔知咩地步.......我知道我做甚麼，寫多幾千字，等多幾十年，佢都唔會改變主意，一句講晒，我知道TB是不會喜歡我！但我會，我會珍惜，我夠膽講而家身邊朋友有d拍緊拖，都無乜邊個可以有人超越TB俾我呢份幹勁，太令人震奮！我又唔會無端端去「攬」住TB果d o既，不過可以o既話，俾個機會我對佢好，係個機會我地了解對方更多，俾個機會我地一齊啦........以前鐘意o既女仔可能因為某d事令我撻起，TB係唔駛講理由！不過......就算篇文中間寫幾個一齊，俾個機會咁，埋尾呢一筆，都只會算吧！因為我完全明白TB諗乜，希望咁o既收筆，即使有日佢睇到，都唔會鬧大交啦！算 ~
其實今晚唔係想講我自己，我姑且知道我朋友陳小姐有感情問題，見佢寫下佢o既感受，我真係好想即刻去安慰佢。佢呢d case我都見唔少，雖然我唔係話鐘意佢，不過真係想關心下佢。好擔心佢 ~
做男仔，係咪要做到咁花心？其實我只係想簡簡單單，做乜要分開又搵番人？一腳踏兩船？離完又合，合完又離？夠啦！人有幾多年可以活？無人知！我仍然想知道，係咪真係單方面的戀愛係唔能夠成事？係真係注定失敗還是從來無開始去了解去嘗試？我就覺得未一齊了解過啦真係！但一齊左，了解完d男仔都係咁，我唔知點講啦真係！我希望陳小姐快d無事，Easy come Easy go！對於一d抵錫的人，我永遠今在她們的身邊，默默支持著。唔一定要下下企出黎，有時係背後感受到有人愛護、幫助的感覺都幾幸褔
呢個收筆點寫好呢？其實問心果句，我想TB黎睇，但又怕會搞出大頭佛，唔多唔少肯定破壞到而家d關係。不過我都想任何人以一個普通心態去睇，當一個故事咁睇，唔一定要代入去o既 .......
《我想．所以我愛》；《I Want．So I Love》
多謝閣下花費寶貴時間觀看！
文章定位：
人氣(16) | 回應(0)| 推薦 (
0)| 收藏 (
0)|
轉寄
全站分類:
不分類
