岩岩睇番自己上一年寫既零五年大事回顧, 突然間又好想寫番自己上一年做過d乜… 係呢個衝動之下, 我決定動筆la!! 時間就唔係好記得架啦! 但係係邊個月仲記得既~~!
一月份:
O岩o岩有個澳門既新同學黎左Bronte wor! 我一開始對佢都無乜興趣ga!.. Ophe帶埋佢去左我間房度介紹俾我識, 我一睇~~”eeee…”, 做咩個樣咁讀書look既=.=! … 好記得我哥陣時睇緊勁歌金曲頒獎典禮, 跟住佢同ophe入黎, then呢聽到話我有臘筆小新既連續劇, 佢就彈左一句出黎 “我要睇” =!!~ 呢句係我第一日見佢哥陣時最深刻既一句… ~haha.. 識左無幾耐之後發覺同佢越黎越多野傾, 更加發覺自己對佢有好感添. 好奇怪呢=.=!!每日傾計傾到兩三點, 但朝早又起到身番學, 幾神奇下~~!....
二月份:
係6號, 第一次為一個鐘意既人計劃佢既生日, 自己都覺得好出乎意料, 整個過程中, kitty, Christine, ricky 佢地都應該好記得, 仲有要多謝jacky, lim, calvin佢地幫手, 如果唔係佢地, 我既計劃係唔會咁容易成功… 如果生日哥個係自己, 有人plan好曬個birthday 俾我, 唔知我哥陣時既心情會係點呢?..?
14號情人節, 咁大個仔囉住束花係一個有過百人既cafeteria度送俾阿丹, 我自己都估唔到自己可以有咁既勇氣, 但, 我都同自己講, 呢d野可能無第二次既發生, 除非我同阿丹一齊左keep住la… 唔係就係到結婚先會再發生呢d事lu!... 阿lim 14號生日, 我仲送左支花俾佢當生日禮物~~haha, 當然casey都有份啦….
三月份:
其實無咩特別, 最特別就係自己既生日, 係我溫緊化學哥陣時佢地入我間房幫我慶祝, 好多謝佢地呀!... 佢地送左個CN TOWER 3D 模型俾我...=.=! (我其實唔係幾鐘意砌砌圖囉!) … 之後阿丹送左一個用Lego砌既屋俾我, 砌埋happy birthday 俾我添, 雖然唔係整得好靚, 同埋間屋有d危險, 哈哈… 唔可以要求咁高呢!... 第二日既化學考試炒左=.=!... 仲以為生日會好lucky 添, 點解原來係假架!!!!
四月份~六月份:
其實四~五月都無咩特別野, 哥排都係忙大學既野, 忙考TOEFL, 考英文… 呼, 為自己既大學而忙碌… 全部好既學校都係因為toefl唔夠份而唔收我… 我平均分真係唔低架!! 88.89… 但係最緊要既都係英文…. 諗番起之前自己執著於讀engineering, 其實自己係咪真係讀engineering既材料? 而家既我可以好肯定咁答, 唔係囉!... 阿哥既一封e-mail真係提醒左我好多, 考慮屋企人, 考慮自己將來, 考慮一切一切既因素, 我哥刻真係覺得自己好固執, 最終我都由UOIT轉番去WATERLOO, 如果做錯左呢個決定, 我諗我之後既路就差好遠了… 所以, 阿哥既呢封E-MAIL, 可以話影響左我走向一條更好既路… THX!大~佬~~..
6月22號
夜晚10點50分, 飛機正式起飛, 再一次坐上這長途客機, 目的地是香港喔!!... 心情好興奮, 因為因為, 我真係好掛住澳門….
6月24號
朝早7點到抵機場, 10點半左右番到澳門, 好開心一出閘就見到我d好兄弟, 好朋友, 阿燊, 阿芝, 施子同埋mickey, 好開心… 我真係好開心見到佢地, 呢種開心既程度我都唔知點去形容嚕!
6月26號
呢一日其實唔係話好特別, 但係想mention既係, 呢日我睇左阿芝既歌唱比賽, 係番黎之前佢已經提到呢個比賽既野, 我想去睇, 此終, 前年無去睇mc比賽, 再加上得獎過後的她俾我既言語將佢開心既心情打落谷底, 到呢一刻, 自己仲好內疚… 所想睇完佢既比賽, 我心, 至少會舒服d吧!
七月~八月份
呢兩個月, 除左唔係搵frds都係搵frds@@... 好似屋企人無左回事, 唔係架! 我番左大陸探爺爺嫲嫲! 同埋其它親戚, 覺得而家番澳門, 係變左旅遊咁, 旅遊完又要番canada… 其實朋友講得o岩, 當番去係一個小既trip, 當Canada係自己既家, 咁樣既野自己既心會好過d… 太掛住自己既城巿, 反而會令自己分心… 辛苦…
7月24號
呢日朝早送左邵姐姐出拱北, 唉, 番黎無幾耐見得一兩次又要走, 好唔捨得… 皆因佢今次番大陸讀博士, 我做細佬既一定會支持既!... 但, 我真係好唔捨得家姐走, 唔知點解, 總之唔捨得la…
7月31號
呢一日我地三兄弟去左海泉灣玩, 我地第一樣諗到最唔好既野就係之前去中山玩既經驗, 哥陣時去一個遊樂場玩, 但係去到哥度, 門口貼住張紙, “xxx,xxx…..機動遊戲暫停服務”~~then, 我地仲見到遊樂場入面哥d全部都係細路仔, 呼!... 已經 “灰” 左囉..haah… 但係今日我地玩得好開心, 磁浮過山車, 呢一種既快感, 好good, 之後我地去玩跳樓機啦!.. 一開始阿燊同阿恆都唔敢玩, 因為真係好鬼驚, 睇住d 人飛上飛落… haha… 咁我又好鬼想玩, 我玩左兩次之後就拉埋佢地一齊玩, 佢地玩完之後話我呃佢地囉=.=!... 咁我真係覺得無乜事嘛!-,-!!.. 跳樓機, 我鐘意, 而家唔玩~等幾時?...?老先呀?
8月18號
我終於食到大堂炸雞啦!!..身為澳門人既我, 點解十幾年黎都無食過大堂炸雞, 由上年未走哥陣時講, 講到而家先食到…>:
8月25號
我再一次登上飛機了… 又要再一次離開屬於自己的澳門, 今次既走, 我真係好唔捨得, 我好掛住澳門每一個人, 好掛住… 睇住飛機起飛, 眼眶竟然有淚光… 唉… 又要繼續學習之旅了…
九月份
呢個月係我最辛苦一個月, 身心疲累!
9月16日
我臨時臨急中午買左去London既車飛過去搵阿丹, 因為琴日吵左交, 我好想將一切既事都做好, 好想搞番好關係, 過去哥度, anton去接左, 都唔錯… 至少有個frd照應下… 之後就去搵左阿丹, 講左好多好多, 最後得出既結果係 “分手”, 自己萬萬都估唔到會turn out左咁既結果, 哥日臨時臨急凌晨4點鐘搭車番多倫多搵自己班frd… 哥刻既我, 很累, 心~很痛….
9月17日
同左jacky 佢地去clubbing, 我要relax… 我要放開自己, 我唔要諗咁多…. 第一次同一個唔識既女仔跳舞, 感覺好奇怪….. 到而家都唔知點咁….. =.=
十月份~十一月份
10月2日
我第一次係canada呢邊玩ball hockey, 好過癮呀!... 令我回想番係澳門初一哥陣時玩field hockey… 我鐘意出汗既感覺!!!
呢兩個月都係讀書讀書再讀書…. 真係除左讀書之外我都唔知自己做過d乜野….
係十一月知道左一個消息之後, 我覺得自己以前一切諗既野都係錯曬, 心理上仲好維護阿丹, 係心入面幫阿丹講好說話, 但係, 這一切都係假既…… 失望…
十二月份
12月16日
送左我06年第一份聖誕禮物, 希望theresa鐘意la. 發覺自己喜歡左呢個女仔……
12月28日
同theresa去左Ottawa玩, CA既首都, 哥度好靚呀, 好多古堡, 好多特別既建築物, I luv it… 係呢個trip, 留下左好多特別美好既回憶, 雖然好凍, 我很開心…
12月31日
自從慶祝new yr以黎最無聊既一日, 我哥日係訓左覺過新年囉… 好無新年氣氛…
打完啦… 打左千幾兩千字, good!... 大概回憶過自己呢一年做過d乜野, 其實一年發生既事真係可以好多好多… 只係睇自己去唔去回想呢一切… 多謝係我生命中出現的每一個人…. Thx….
文章定位：
