難民營 you can find manying here~ welcome to manyings’ PChome

63愛的鼓勵 0訂閱站台

28/10/2007
一個我從來都無過會搞既比賽
竟然就係琴日俾我ko左...
雖然只係合格多少少分啦..但都算係咁
好多野都唔係我控制之內...
個人認為唔係prepare得唔好
而係.....個個都有佢既一套...咁我應該點好呢
(我都知佢地個個都係為件事好....但.....人多手腳亂)
完左assessment就好好多喇~~~
routine真係順暢到呢~好順暢~~~
五點半多d就完比賽~~執野飛的返伊館~~~
比佳哥fake左...紅隧塞車塞到呢~~要潮水式管制....
好在去到灣仔都唔太遲~~阿聰同我差不多jei
但係我都隧道口入快過佢地到黃竹坑~~
去海洋公園十月全城哈咾喂~~嚇到你傻~~
第一個節目係~~去廁所~~hahahaha
入到去係山下先玩一玩鍾馗捉鬼~~
超搞笑,阿鍾馗唔記得左台詞~~笑到我爆咀~~
但佢果下”勿拍照”又幾ok wor~~超認真.......
d鬼都幾pro..可以忍到笑..我就一定唔得喇~~haha
玩完山下唯一一個鬼屋就去坐登山覽車喇~~~
上到去先發現原來超大霧@o@
係山上面...果真係超多人...排鬼屋...
我地先去”奪命嚇輪”...開頭我地以為排緊跳樓機..
hahaha超白痴....入到去...都ok既d環境
但行行下...越行越臭lor=_=唔知係咪驚嚇既一部份呢???
由於太臭既關係....行到無哂mood....不是太驚嚇喇...
之後我地去左海洋館~~仲同一個好似阿jack女友sally既鬼影相~~~
佢好搞笑呀~~haha
係海洋館入面...難得悠閒咁欣賞d魚游黎游去~~
仲係入面悠左好耐~~
之後就去排鬼屋”瘋醫生解剖室”~~因為鬼屋始終都係今次行程既主題~~haha
超多人呀...排左好耐隊...
排排下有個唔識既,都係入黎玩既人拍我膊頭...
我望住佢啦~~(估計:佢係想嚇我)
但唔知點解..果一刻load得好慢.....唔知俾咩反應佢
我諗緊我應唔應該尖叫??之後又諗諗下...唔通我識佢既??
但後尾發覺唔係~~hahaha
佢就無奈左~~但係我地都唔想佢咁失落
叫佢去嚇一個額頭寫住左”我好驚”三隻字既人~~
就係胡幸兒喇~~haha
之後排到悶就ndsl啦~唔好講笑...無左佢都真係悶死人~~
今次...都算係咁~~唔錯~~
但係後面d人叫得太大聲....我地又笑...真係爆笑~
唔知係咪真係驚成咁~~~今次呢間好似細左d
之後去左行鯊魚館~~~又睇魔鬼魚~~~
去埋睇水母館...勁無奈咁係門口俾人迫影相=_=
d水母好得意~一入到去見到d反哂肚既水母,個個都問點解反哂肚
阿wing就企左係度介紹”因為佢叫朝天水母”hahaha笑死
上去排”死囚浩劫”頭先見到既長龍唔見左lu~^o^
但原來都等好耐先有得入去...
其間又有笑爆場面~~話說有隻鬼去嚇一pair情侶
個男既就扮大膽去嚇番佢~~點知佢女友就慢慢咁加快速度離開
個男既見到就追上前啦~~點知隻鬼就係咁追住佢地~~
之後仲跪住睇滑動~~個pair情侶就係咁一枝箭咁唔見左~~
我地成班笑到收唔到聲~~hahahaha
入到去鬼屋...隻鬼係咁同我地講”行快d呀”
之後上面又一隻鬼~~但唔嚇人既佢=_=
再行去到一道閘....俾隻鬼欄住左
fanny就叫佢借借....點知隻鬼就叫fanny自己一個人行~~
咁我地就係咁笑...因為太好笑
點知隻鬼問我地”邊個笑人,係咪你”
真係好鬼搞笑~~hahaha
之後出左鬼屋...我地發覺d鬼講哂我地平時對住d仔講既野~~hahaha
山上既鬼屋就係咁多~~之後落去大樹灣入口
鬼旅逃生無玩...因為大家都唔想濕身=_=
之後去排冥通大靈堂~~排左勁耐....個人又餓又眼訓..
條腰又累...好辛苦咁排隊...機又唔想打..
但係悶到發慌之際~~又有笑料出現
個男既推個女既去隻鬼度...隻鬼係超級大隻同拎住個電鋸,係有聲嫁個電鋸
個女既驚到係咁周圍走...點知走走下走左去個路牌度
佢可能係諗住咁樣可以收得埋自己=_=
又一笑到死人既位~~~
隻鬼都好無奈咁搖頭嘆息~~hahahaha
入到冥通入面...今次由阿樂帶頭...
點知佢行得快得滯...追上左前面果班人=_=
d鬼嚇完佢地俾我地見到哂=_=無奈.....
但係有時見到隻鬼坐左係度...明知佢會嚇人
但係佢飛出黎果下都真係會嚇一嚇
由於無聊得滯...阿聰,聰敏同阿wing自己無啦啦係度尖叫...搞到我差d耳襲
玩完呢個鬼屋即刻去排最後一間”東瀛凶間”
聽聞係最驚嚇既一間....又係排左勁耐隊
不過排隊途中有隻鬼叫”駝背”係咁同排緊隊既人傾計
超搞笑~~佢講既野同把聲都好似詹瑞文~~haha
佢又串串共咁~~同佢吹水都唔錯
臨入去之前阿wing叫我企佢前面...
佢話我有安全感wor~因為我可以幫佢遮住前面d野~~hahaha
ops...聰敏唔會介意掛...:p
入到去~~好多電視....係咁播住貞子果part~~
但係無鬼嫁lor=_=行左勁耐都唔見有鬼....
悶到死左...行到去一度黑白格仔加閃燈...有d暈lor...haha
由於無聊得滯我地又開始自己係度嗌~好似入左disco咁係咁跳跳~~
點知突然fanny坐底左...佢係笑到腳軟lor
原來我地又行得快得滯....但係今次嚇親前面果班女仔lor
hahahaha笑鬼死左
但亦都係因為咁...我地終於都見到d鬼喇~~^o^
但係d鬼好似好眼訓咁lor..有d hea底=_=
出到黎...大家一致認為....d鬼應該係收哂工.....
所以應該係最驚既鬼屋變左一隻迷宮屋....
坐車走人~~出銅鑼灣食夜宵~~~
之後要行去灣仔修頓先有小巴返荃灣=_=灰wor....
三點幾先返到屋企..聽日返工...死梗

就算我唔可以俾你幸福
但係我都想祝你生日快樂