難民營 you can find manying here~ welcome to manyings’ PChome

63愛的鼓勵 0訂閱站台

19/11/2006
今日較左五點四十五分鬧鐘....
點知六點幾先起身=_=即刻仆到咁出門口
坐車入元朗再轉輕鐵....完全唔知點去濕地公園...
勁驚遲到無得放行李...咁我就死得啦~咁死大個背囊=_=
好在去到大家都仲係放緊行李~~好耐無見越野隊隊員喇~~
long time no see~~好like同你地一齊既時間呀~^o^
放完行李就行去起點...原來都幾遠下@@
等左一陣就開跑~~原來大家都聽唔到佢倒數....不過我聽到~~ha醒目~~
跑跑跑~~keep住均速~~同tosca距離不遠,一時佢快,一時我快~~
不過到左大半之後佢就發力~~果然有練跑係唔同d呀~~
不過我都唔差~~去到終點既時候個時間係同果年跑渣打十k既時間差不多
講開又講.......今年報唔到渣打呀.........
唔知點解~~跑步出汗既感覺真係爽死~~仲覺得d暗瘡都好似細粒左~~^^"
跑既時候見到四個人訓低左....有個仲要訓低左勁耐先有人assecc佢=_=
好可憐....辛苦左咁耐....見d人叫佢都好似無咩反應咁@o@
有個都幾可惜....見到終點...但跑唔過去.....
個感覺一定好差........雖然大家都叫佢支持住....但佢真係支持唔住...
唯有放棄...唔好勉強喇....=_=可惜
跑完行下鬆下筋....發覺兩條hamstring都緊都無可再緊>_<
仲成日想抽想抽咁@o@好開心~~跑完有水有雪條食~^o^
睇中左nike個電話套~~貪佢可以cool係手臂~~總之就係岩我心水啦~~
完左之後知道大師兄有獎拎~~恭喜恭喜~~
睇埋佢頒獎禮先走人...好趕....要去黃大仙打波....
係車度訓到死哂咁...好多nike人bor~^^
好凍呀...好在都有帶風褸~~醒~~
去彩虹道....極速換衫~~
開波~~打右輔....叫做做到野啦~入第一球波~~入zip的~^o^
不過無力回防呀~~阿碧...我盡左力嫁喇
過左無耐黃sir就換走我喇....因為真係totally無態同體能=_=
不過無耐就換左我打key....但係唔好意思呀.....
頂唔順呀>_<打左兩次turn over.....防守既時候真係企唔直個人.....
雙手都係唯有禁住大脾.....但feel到兩隻手係震到咩咁.....
黃sir即刻換走我~~thx...唔係我都唔知之後會係點~~
出到場就攤左係度.....唔想move....好想訓
relax左一陣就坐起身....狂飲d sports drink...唔理得佢係咩牌字
中場7:7打和....
下半場....無出到咁滯~~係同雕鳳換攻守~~
唔錯嫁~~一出去攻就有兩球七公尺~~做到野呀~~^o^
完場~~比數拉開左~~好似win7球~~
好在最尾落唔出大雨jar...唔係下次要出黎打兩分鐘波都唔知點算=_=
沖完涼出黎...落大雨....等左勁耐先去到食野....
差d餓死人...食完野去左雕鳳個hall度訓覺...好眼訓.....
但夜晚又要去city食飯......沙灘節慶功宴~~
又見到大家lu~~開心搞笑地食左餐飯~~
抽獎就明係分豬肉~~人人有份永不落空咪就係呢d之嘛
下星期又有一餐食lu~^o^
好多sponsors呀...但係點解明知係sponsor女子沙手同沙排...
但d sponsor係男士用品=_=想點呀????
聽日又要返工....唔知呢兩日既開心可唔可以延續呢