難民營 you can find manying here~ welcome to manyings’ PChome

63愛的鼓勵 0訂閱站台

1/7/2006
今朝咁早先訓...九點幾俾小花打黎嘈醒左
都差d唔記得左約左佢地tim:p
一點先起身....去到葵芳遲哂..^^"
去到金鐘時間岩岩好~~買左少少野食就上左pacific place
之後就到左香港公園~~今日既主題係荷花展.....
真係估唔到自己會走去睇荷花展....
子莉聽到都話我無鬼聊~~haha係嫁喇~
不過都要睇下同咩人去既~~志在出黎大家見下jei~~
荷花不是主角喇~~^o^
係公園行左好鬼耐~~睇完荷花去左觀鳥園~~仲去埋咩咩視覺藝術中心
熱到死...影左好多小花搞鬼相~~haha可以做一個相集~~
頂唔住咁死熱~~去左pacific place既food court食野~~
唔係詩畫帶我地行黎行去..一早就食完啦~~鬼死咁多人
返左荃灣....竟然會係行三聯......仲要係行左咁死耐
差不多有成兩個鐘...見到本書...係bu pe諸位dr同instructors加一d唔知咩人出既@@
返左屋企執野~~因為今晚去完睇波就出去打波~~
掛住同ada傾電話都唔記得左小花佢地tim...hehe^^"so sorry
食完米線就出左去太子...等左德仔同肥斌勁耐
入到去警察體育會好在都仲有位~~
大家第一場都係撐英格蘭嫁啦~~不過英格蘭lose左呀>_<
lose十二碼呀>_<踢足十百二十分鐘....
碧咸傷左被調離場...可惜...唔知佢既世盃生涯係咪就以此為結呢??
下屆佢都三十五喇....可以踢既機會少之又少....佢d體能都唔得...
朗尼無奈地俾人紅牌出場....個人認為佢唔推開c.朗都可能係拎黃牌....
十人應戰既英格蘭都仲守到一百二十分鐘已經not bad.....
可惜十二碼...個死人羅賓遜一球都撲唔到.....
英格蘭d人又自己踢哂d波俾葡萄牙個龍........想點??
c.朗踢十二碼既時候.....好想搵野遮住唔睇.....
但係......佢入波果刻....個腦停左....個人灰左....
之後頹左成十幾分鐘.....成班人好似英格蘭d球員咁.....坐左係度唔想走...
成功向前移動~~巴西法國一役可以睇投射銀幕~~
中間訓左一個鐘有多~~話訓就訓係我既專長~~haha
巴西今場食左屎咁....踢極都係中場...仲成日俾人搶到波...
不過施丹真係強.....唔知係咪退休人士爆發的小宇宙??
佢今場係今屆發揮最好的一場~~佢d控球走位如魚得水~~
個波好似俾佢吸住咁~~仲有施丹的招牌轉身~~睇到眼定定
不過巴西輸一比零....又再灰多d......不過都不及英格蘭輸波灰....
我們的大英帝國....無左碧咸,無左朗尼,無左奧雲........八強止步
不過如果真係因為無左佢地而輸波...英格蘭都只係三人球隊....
點都唔夠十一人球隊打........
睇完波先得五點鐘.....九點先打波.......